Instagram Subscription Trend: సబ్‌స్క్రైబర్లకు మాత్రమే.. ఇలా బరితెగిస్తే ఎలా?

ఈ మధ్యకాలంలో ఒక దరిద్రమైన ట్రెండ్ మొదలైంది. వాస్తవానికి టాలీవుడ్ సహా ఇతర భాషల్లో హీరోయిన్లుగా ఎదుగుదామని వచ్చి, చాలామంది సీరియల్స్ చేస్తూ, టీవీ షోలు చేస్తూ, ఇన్స్టాగ్రామ్ ఇన్ఫ్లుయెన్సర్లుగా మారుతున్నారు. అయితే అక్కడి వరకు బానే ఉంది, కానీ పక్క సంపాదన కోసం ఇప్పుడు అడ్డదారులు తొక్కుతున్న తీరు షాక్ కలిగిస్తోంది. నిజానికి ఈ మధ్యకాలంలోనే ఇన్స్టాగ్రామ్ ‘సబ్‌స్క్రైబర్స్’ అనే కొత్త ఫీచర్ తీసుకొచ్చింది. దాని ప్రకారం ఒక్కొక్క ఇన్ఫ్లుయెన్సర్ లేదా నటి ఒక ఫిక్స్‌డ్ అమౌంట్ పెట్టి, ఆ అమౌంట్ పే చేసిన వాళ్ళకి ఎక్స్‌క్లూజివ్ కంటెంట్ షేర్ చేసే అవకాశం కల్పించింది. ఈ అవకాశాన్ని కల్పించిన దగ్గర నుంచి చాలామంది స్కిన్ షో చేస్తూ, దాన్ని ఎక్స్‌క్లూజివ్ కంటెంట్ అంటూ సదరు సబ్‌స్క్రైబర్లకు మాత్రమే చూపిస్తున్నారు.

Also Read :Tollywood : టాలీవుడ్ హీరో తండ్రి సినీ రంగ ప్రవేశం

అయితే కొంతమంది దీన్ని ప్రొడక్టివ్ గా యూస్ చేస్తున్నా, చాలావరకు మాత్రం స్కిన్ షో ఎక్కువ చేస్తున్న ఫోటోలను, రీల్స్ ను మాత్రమే సబ్‌స్క్రైబర్స్ కోసం వదులుతూ వెళ్తున్నారు. నిజానికి ఇది చాలా దరిద్రమైన ట్రెండ్ మాత్రమే కాదు, ఫ్యూచర్ లో చాలా ఇబ్బందులు తెచ్చి పెట్టే ట్రెండ్ కూడా అని చెప్పక తప్పదు. ఎందుకంటే ఆ సబ్‌స్క్రైబర్లలో ఎవరో ఒకరు ఆ ఫోటోలను లేదా వీడియోలను రకరకాల మోడరన్ టెక్నిక్స్ వాడి ట్విట్టర్ (X) వంటి సామాజిక మాధ్యమాల్లోకి తీసుకొస్తున్నారు.
దీనివల్ల వారి కంటెంట్ పైరసీ అవ్వడమే కాదు, కేవలం సబ్‌స్క్రైబర్స్ కి మాత్రమే చేస్తున్నాం అనుకున్న స్కిన్ షో ప్రపంచమంతా తేటతెల్లమవుతుంది. కాబట్టి ఇప్పటికైనా ఈ ట్రెండ్ కి స్వస్తి చెప్పి, నిజమైన టాలెంట్ తో అవకాశాలు దక్కించుకుంటే మంచిది. ఇంకా ఆశ్చర్యం కలిగించే విషయం ఏమిటంటే, నెలకు 300 నుంచి 400 రూపాయల వరకు వెచ్చించి చాలామంది ఇన్ఫ్లుయెన్సర్లకు సబ్‌స్క్రైబర్లుగా మారుతున్నారు. దీనివల్ల యువత మనీ వేస్ట్ అవ్వడమే కాదు, ఒక్కొక్క ఇన్ఫ్లుయెన్సర్ కి ఐదు నుంచి పది లక్షల వరకు ఆదాయం కూడా తెచ్చిపెడుతున్నారు.