Imman: ఆ స్టార్ హీరో నన్ను మోసం చేశాడు.. సంగీత దర్శకుడు సంచలన ఆరోపణలు

Imman Sensational Allegations on Shivakarthikeyan: తమిళ మ్యూజిక్ డైరెక్టర్ డి. ఇమ్మాన్ ఇప్పుడు మరో సారి వార్తల్లోకి ఎక్కారు. నిజానికి విడాకుల వార్తలతో హాట్ టాపిక్ అయిన ఆయన ఇప్పుడు స్టార్ హీరో మీద సంచలన వ్యాఖ్యలు చేసి వార్తల్లోకి ఎక్కారు. నిజానికి హీరో శివకార్తికేయన్ – ఇమ్మాన్ కాంబోలో సూపర్ హిట్ పాటలు వచ్చాయి. అయితే, ఇటీవల పరిణామాలు కనుక చూస్తే వీరిద్దరి మధ్య విబేధాలు పెరుగుతున్నాయని అనిపిస్తోంది. ఇలాంటి సమయంలోనే ఇమ్మాన్ తన నిశ్శబ్దాన్ని వీడి స్టార్ హీరో మీద సంచలన వ్యాఖ్యలు చేశారు. తన జీవిత కాలంలో శివకార్తికేయన్‌తో కలిసి పనిచేయడం మానుకుంటానని ఇమ్మాన్ ప్రకటించాడు. ఈ జీవిత కాలంలో శివకార్తికేయన్‌తో భవిష్యత్ లో పని చేస్తున్నాననే ఊహే చాలా భయంకరంగా ఉంది. ఇది లోతైన వ్యక్తిగత కారణాల నుండి తీసుకున్న నిర్ణయం, శివకార్తికేయన్ చేసిన తీవ్ర నమ్మక ద్రోహం నా జీవితాన్ని మార్చివేసింది” అని అంటూ ఇమ్మాన్ పేర్కొన్నారు కానీ అసలు ఏం జరిగింది? అనే వివరాలు మాత్రం ఇమ్మాన్ వెల్లడించలేదు.

Leo: బ్రేకింగ్: లియో రిలీజ్ 19నే.. నాగవంశీ కీలక ప్రకటన

నేను గట్టిగా చెప్పలేను, భవిష్యత్తులో ఆయనతో కలిసి ప్రయాణం చేయడం కుదరదు. బహుశా వచ్చే జన్మలో నేను మ్యూజిక్ కంపోజర్‌ని, ఆయన యాక్టర్ అయితే అది జరిగే అవకాశం ఉంది. ఇది నేను చాలా జాగ్రత్తగా అలోచించి తీసుకున్న నిర్ణయం. ఆ ద్రోహం నాకు చాలా ఆలస్యంగా అర్థమైంది, దీని గురించి నేరుగా ఆయన్నే అడిగాను కానీ దానికి ఆయన సమాధానం చెప్పలేను’’ అని ఇమ్మాన్ అన్నారు. 2013లో శివకార్తికేయన్‌ హీరోగా విడుదలైన ‘వరుతపథ వాలిబర్‌ సంగం’ సినిమాకి ఇమ్మాన్ సంగీతం అందించారు. ‘ఉదక్ కలరు రిబ్బన్’తో పాటు సినిమాలోని పాటలన్నీ సూపర్ హిట్ అయ్యాయి. శివ కార్తికేయన్ నటించిన ‘రజినీమురుగన్’, ‘సీమరాజా’, ‘నమ్మ విధిత్ పిళ్లై’ వంటి చిత్రాలకు కూడా ఆయనే సంగీతం అందించారు. ఈ సినిమా పాటలకు కూడా మంచి ఆదరణ లభించింది. ‘సీమరాజా’ సినిమా తర్వాత శివకార్తికేయన్ – టి.ఇమాన్ కలయిక మళ్లీ జరగలేదు.