వివాదాలు, అత్యాచారం సహా పలు ఆరోపణలు ఎదుర్కొంటూ భారత్‌ను విడిచి పారిపోయారు వివాదాస్పద స్వామీజీ నిత్యానంద.. అయితే, సొంతంగా ఓ దేశాన్నే ఏర్పాటు చేసుకున్నారని.. ఈక్వెడార్‌ నుంచి ఒక చిన్న ద్వీపాన్ని కొనుగోలు చేసిన ఆయన.. దానికి ‘కైలాస’ అనే పేరు పెట్టుకున్నారు.. తమది ప్రత్యేక దేశంగా ప్రకటించుకున్నారు.. ప్రత్యేక కరెన్సీ కూడా తయారు చేశారు. తమ దేశంలో అడుగుపెట్టాలంటే వీసా ఉండాల్సిందేనని ప్రకటించారు.. అయితే, ఆయన చుట్టూ ఎన్ని వివాదాలు చుట్టుముట్టినా.. ఆయనపై విశ్వాసం వ్యక్తం చేసేవారు, మనసు పారేసుకునేవారు, ఆయన అంటే పడి చచ్చిపోయేవారు కూడా ఉన్నారట.. అప్పట్లో ఓ హీరోయిన్‌తో ఆయన గడిపిన ఏకాంత గడియలకు సంబంధించిన వీడియో సంచలనం సృష్టించగా.. ఇప్పుడు నిత్యానందుడిపై మరో హీరోయిన్‌ మనసుపారేసుకుంది.. అంతేకాదు ఆయన్ని పెళ్లి చేసుకోవాలని ఉందంటూ మనసులోని మాటను బయటపెట్టేసింది..
Read Also: Marburg Virus: ఆఫ్రికాలో మరో ప్రాణాంతక వైరస్.. ఇప్పటికే ఇద్దరు మృతి
నిత్యానందను పెళ్లి చేసుకోవాలని ఉందంటూ ప్రముఖ నటి ఇచ్చిన ఇంటర్వ్యూ.. ఇప్పుడు సోషల్ మీడియాలో సంచలనం సృష్టిస్తోంది. ఆమె ఎవరో కాదు హీరోయిన్‌ ప్రియా ఆనంద్.. సౌత్ ఇండియన్ సినిమాలో పాపులర్ నటీమణులలో ఆమె ఒకరు. తమిళం, తెలుగు, హిందీ వంటి పలు భాషా చిత్రాల్లో నటించారు. 2009లో నటుడు జై నటించిన “వామనన్” చిత్రంతో తమిళ చిత్రసీమలోకి అడుగుపెట్టిన ఆమె.. పలు చిత్రాల్లో నటించి ఆకట్టుకున్నారు.. తెలుగులోనూ అమ్మడికి మంచి ఫాలోయింగే ఉంది.. అటు తమిళ, ఇటు తెలుగు యువత మనసు దోచుకుంది. ఆమె చివరిసారిగా ఆర్జే బాలాజీ నటించిన ఎల్‌కేజీ చిత్రంలో ప్రియా ఆనంద్ నటించారు.. ప్రస్తుతం అందగన్, సుమో, కాసేతన్ కోడులౌడా వంటి పలు చిత్రాల్లో నటిస్తున్నారు. అయితే, తాజాగా ఓ ఇంటర్వ్యూలో పాల్గొనగా.. తన పెళ్లి ప్రస్థావన వచ్చింది.. దీంతో, నిత్యానందస్వామిని పెళ్లి చేసుకోవాలని కోరుకుంటున్నట్లు తమన మనసులోని మాటను బయటపెట్టింది.. ఆయన గురించి ఎలాంటి ప్రచారం జరుగుతున్నా.. వేలాది మంది భక్తులు ఆరాధిస్తున్న వ్యక్తి నిత్యానందస్వామి అంటూ ప్రశంసలు కురిపించింది.. అంతేకాదు, ఆయన్ని పెళ్లి చేసుకుంటే తనకు పేరు మార్చుకోవలసిన అవసరం కూడా ఉండదంటూ ఫన్నీ కామెంట్లు చేసింది.. మొత్తంగా.. ఈ కామెంట్లతో ప్రియా ఆనంద్ సోషల్ మీడియాలో రచ్చ చేస్తోంది.