Srinivasa Mangapuram : ఘట్టమనేని వారసుడు జయకృష్ణపై భారీ అంచనాలు.. డాన్స్ అదరగొడుతున్నాడుగా

టాలీవుడ్‌లో ‘ఘట్టమనేని’ కుటుంబం నుంచి మరో హీరో వెండితెరకు పరిచయం అవుతున్న విషయం తెలిసిందే. ‘సూపర్ స్టార్’ కృష్ణ వారసత్వాన్ని కొనసాగిస్తూ.. ఆయన పెద్ద కుమారుడు రమేష్ బాబు తనయుడు ఘట్టమనేని జయకృష్ణ హీరోగా ఎంట్రీ ఇస్తున్న సినిమా ‘శ్రీనివాస మంగాపురం’. ఈ చిత్రంతో ఘట్టమనేని కుటుంబం నుంచి మూడో తరం హీరో ప్రేక్షకుల ముందుకు వస్తుండటంతో.. అభిమానుల్లో భారీ ఆసక్తి నెలకొంది. ఇటీవల విడుదలైన టీజర్‌కు మంచి స్పందన రాగా తాజాగా రిలీజ్ చేసిన ఈ సినిమా సెకండ్ సింగిల్ ప్రోమో సూపర్ గా ఉంది. ‘మొదటి సినిమాతోనే జయకృష్ణ మాస్ లుక్‌ లో ఆకట్టుకున్నాడు. స్క్రీన్ ప్రెజెన్స్, డైలాగ్ డెలివరీలో తాత కృష్ణ , బాబాయ్ మహేష్ బాబు ఛాయలు కనిపిస్తున్నాయని అభిమానులు సోషల్ మీడియాలో ఫ్యాన్స్ కామెంట్స్ చేస్తున్నారు. ఇక డాన్స్ లో జయకృష్ణ మంచి ఈజ్ తో చేస్తూ మెప్పించాడు.

తాత కృష్ణ ఆశీస్సులు, మహేష్ బాబు పర్యవేక్షణలో వైజయంతీ బ్యానర్ ద్వారా హీరోగా పరిచయం కావడం జయకృష్ణకు పెద్ద ప్లస్ అవుతుందని సినీ వర్గాలు భావిస్తున్నాయి. మంచి కథలు ఎంచుకుంటే భవిష్యత్తులో స్టార్ హీరోగా ఎదిగే లక్షణాలు అతడిలో స్పష్టంగా కనిపిస్తున్నాయని ఇండస్ట్రీ వర్గాలు అంటున్నాయి. ప్రస్తుతం టాలీవుడ్‌లో భారీ అంచనాలు ఉన్న సినిమాల జాబితాలో ‘పెద్ది’ తర్వాత ‘శ్రీనివాస మంగాపురం’ ఉంటుందని ట్రేడ్ వర్గాలు చెబుతున్నాయి. ముఖ్యంగా అజయ్ భూపతి దర్శకత్వం, ఘట్టమనేని కుటుంబ బ్యాక్‌గ్రౌండ్ సినిమాకు భారీ హైప్ తీసుకొచ్చాయి. జూన్ 10న విడుదల కానున్న ఈ సినిమాతో జయకృష్ణ బిగ్ సక్సెస్ అందుకోవడం ఖాయంగా కనిపిస్తోంది. ఇక బాలీవుడ్ సీనియర్ నటి రవీనా టాండన్ తనయ రాషా తడాని ఈ చిత్రంతో టాలీవుడ్‌లోకి అడుగుపెడుతున్నారు.