హృతిక్ రోషన్… గ్రీక్ గాడ్ ఫిజిక్ ఉన్న ఏకైక ఇండియన్ హీరో. తన డాన్స్, స్టైల్, స్క్రీన్ ప్రెజెన్స్, హాలీవుడ్ హీరోలా ఉండే పర్సనాలిటీతో హృతిక్ రోషన్ ఆడియన్స్ ని కట్టి పడేస్తాడు. వార్ సినిమాలో హృతిక్ రోషన్ ఇంట్రడక్షన్ సీన్, ఎన్ని సంవత్సరాలు అయినా హృతిక్ రోషన్ లో ఆ స్వాగ్ తగ్గదు అనే విషయం అర్ధమవుతుంది. ఇదే విషయాన్నీ మరోసారి ప్రూవ్ చేయడానికి, బాలీవుడ్ బిగ్గెస్ట్ హిట్ గా నిలవడానికి ‘హృతిక్ రోషన్’ నటిస్తున్న ‘ఫైటర్’ సినిమా రిలీజ్ కాబోతోంది. జనవరి 25న ఫైటర్ సినిమా రిలీజ్ కాబోతోంది. పఠాన్ మూవీని డైరెక్ట్ చేసిన సిద్ధార్థ్ ఆనంద్ ఫైటర్ ని కూడా తెరకెక్కిస్తుండడం విశేషం. ఫైటర్ సినిమాలో హృతిక్ రోషన్ ‘ఫైటర్ జెట్ పైలట్’గా కనిపించనున్నాడు. దీపికా హీరోయిన్ గా నటిస్తున్న ఈ మూవీలో ఇండియన్ స్క్రీన్ పైన ఇప్పటివరకూ చూడని యాక్షన్ ఎపిసోడ్స్ ని చూడబోతున్నామట.
ఇప్పటికే షూటింగ్ పార్ట్ కంప్లీట్ చేసుకున్న ఫైటర్ సినిమా కోసం సినీ అభిమానులు ఈగర్ గా వెయిట్ చేస్తున్నారు. 2024 జనవరి 25న రిలీజ్ కానున్న ఈ మూవీ నుంచి ఇటీవలే ఇండిపెండెన్స్ డే సంధర్భంగా మేకర్స్ ఫైటర్ సినిమా గ్లిమ్ప్స్ ని వదిలారు. హ్రితిక్ రోషన్, దీపికా లుక్ ని రివీల్ చేసిన మేకర్స్… లేటెస్ట్ గా ఫైటర్ టీజర్ ని రిలీజ్ చేయడానికి రెడీ అవుతున్నారు. డిసెంబర్ 5న ఫైటర్ టీజర్ రిలీజ్ చేసే అవకాశం ఉందని బాలీవుడ్ వర్గాల సమాచారం. ఈ మచ్ అవైటెడ్ ఫైటర్ టీజర్ బయటకు రాగానే సినిమాపై అంచనాలు అమాంతం పెరుగుతాయి. ఆ అంచనాలని అందుకోవడంతో సిద్ధార్థ్ ఆనంద్ అండ్ హ్రితిక్ రోషన్ ఎంతవరకు సక్సస్ అవుతారు అనేది చూడాలి.
