దసరా సినిమాతో మాస్ మర్కెట్స్ లోకి ఎంటర్ అయిన నాని… వంద కోట్లు కలెక్ట్ చేసి సూపర్ హిట్ కొట్టాడు. మాములుగా ఏ హీరో అయినా అయితే దసరా లాంటి కమర్షియల్ సక్సస్ తర్వాత మాస్ సినిమాల వైపు ట్రాక్ మార్చేస్తారు. నాని మాత్రం రొటీన్ గా చెయ్యకుండా మళ్లీ ఫీల్ గుడ్ సినిమాతో ఆడియన్స్ ముందుకి వచ్చాడు. కొత్త దర్శకుడు శౌర్యవ్ తో హాయ్ నాన్న సినిమా చేసిన నాని, అన్ని సెంటర్స్ నుంచి పాజిటివ్ టాక్ ని సొంతం చేసుకున్నాడు. నాని లవ్ స్టోరీ టచ్ చేస్తే అది గ్యారెంటీగా హిట్ అవుతుంది అనే నమ్మకం ఆడియన్స్ లో ఉంది. ఆ నమ్మకాన్ని హాయ్ నాన్న సినిమా మరోసారి నిలబెట్టినట్లే ఉంది. టాక్ బాగుంది, నాని పెర్ఫార్మెన్స్ కి కూడా మంచి కాంప్లిమెంట్స్ అందుతున్నాయి. నిజానికి హాయ్ నాన్న సినిమాపై పెద్దగా అంచనాలు లేవు. అనిమల్ మూవీ బాక్సాఫీస్ ర్యాంపేజ్ ముందు హాయ్ నాన్న సినిమా కనిపించదేమో అనుకున్నారు.
ఇప్పుడు హాయ్ నాన్న సినిమాకి మంచి టాక్ వస్తుంది కాబట్టి ఈ టాక్ కలెక్షన్స్ ని ఎంతవరకు పుల్ చేస్తాయి అనేది చూడాలి. నాని హాయ్ నాన్న సినిమా 28.5 బ్రేక్ ఈవెన్ టార్గెట్ తో థియేటర్స్ లోకి వచ్చింది. నానికి ఉన్న మార్కెట్ అండ్ హాయ్ నాన్నకి వచ్చిన టాక్ ని బట్టి చూస్తే 60 కోట్ల గ్రాస్ ని కలెక్ట్ చేయడం పెద్ద కష్టమేమి కాదు. అయితే ఒక్క రోజు గ్యాప్ లో ఇంకో సినిమా రిలీజ్ అవుతుండడం, రెండు వారాల్లో ప్రభాస్ సలార్ వస్తుండం హాయ్ నాన్న సినిమాని ఇబ్బంది పెట్టేలా ఉంది. సలార్ డిసెంబర్ 22న రిలీజ్ కానుంది. సో ఆ లోపు హాయ్ నాన్న సినిమా బ్రేక్ ఈవెన్ మార్క్ ని రీచ్ అవ్వాలి లేదంటే ఆ తర్వాత థియేటర్స్ కూడా ఉండే అవకాశం లేదు.