టాలీవుడ్ యంగ్ హీరో నిఖిల్ సిద్ధార్థ్ ఒక్కో సినిమాను డిఫ్రెంట్ జానర్ లో చేస్తూ తనకంటూ సెపరేట్ గుర్తింపు తెచ్చుకున్నాడు. నిఖిల్ ప్రస్తుతం నటిస్తున్న సినిమా స్వయంభు. హిస్టారికల్ పీరియడ్ యాక్షన్ డ్రామాగా వస్తున్నా ఈ సినిమా కోసం సరికొత్త లుక్ చేంజ్ అవుతూ, యుద్ద విద్యలు వంటివాటిపై కఠోర శిక్షణ తీసుకున్నాడు. నిన్నతన బర్త్ డే సందర్భంగా ‘స్వయంభూ’ చిత్రం నుండి మేకర్స్ ఒక పవర్ఫుల్ అప్డేట్ను విడుదల చేశారు.
స్వయంభులోని ‘కృష్ణన్ రామన్’ పాత్ర కోసం నిఖిల్ తీసుకున్న శిక్షణ, డెడికేషన్ ను వీడియో రూపంలో రిలీజ్ చేశారు మేకర్స్.ఈ పాత్ర కోసం నిఖిల్ ప్రాణం పెట్టి పనిచేశారని చిత్ర యూనిట్ విడుదల చేసిన ‘ట్రాన్స్ఫర్మేషన్ గ్లింప్స్’ వీడియో చూస్తే స్పష్టమవుతోంది. కృష్ణన్ రామన్ పాత్రలో ఒదిగిపోవడానికి నిఖిల్ ఏకంగా 45 రోజుల పాటు నిఖిల్ కత్తిసాము, కర్రసాము, మార్షల్ ఆర్ట్స్ మరియు విలువిద్య వంటి పురాతన యుద్ధ విద్యలను నేర్చుకుంటూ కనిపించారు. ఈ శిక్షణ సమయంలో పలుమార్లు గాయపడినా సరే ఏమాత్రం వెనకడుగు వేయకుండా శ్రమించాడు. సినిమా కోసం నిఖిల్ ఆఫ్స్క్రీన్లో చూపించిన డెడికేషన్ ఆన్స్క్రీన్పై పవర్ఫుల్ వారియర్ లుక్లో కనిపించింది. నిఖిల్ లుక్ కు ఆడియన్స్ అదిరిపోయే రెస్పాన్స్ వచ్చింది. భరత్ కృష్ణమాచారి దర్శకత్వంలో తెరకెక్కిన ఈ సినిమా ఠాగూర్ మధు సమర్పణలో పిక్సెల్ స్టూడియోస్ పతాకంపై భువన్, శ్రీకర్ అత్యంత భారీ స్థాయిలో ఈ చిత్రాన్ని నిర్మిస్తున్నారు. పాన్ ఇండియా స్థాయి లో తెలుగు, హిందీ, తమిళం, కన్నడ, మలయాళ భాషల్లో ఈ సినిమా విడుదల కానుంది. నభ నటేష్, సంయుక్త మీనన్ కీలక పాత్రల్లో నటిస్తున్న ఈ సినిమా ప్రస్తుతం విడుదలకు సిద్ధమవుతోందని త్వరలోనే అఫీషియల్ రిలీజ్ డేట్ను ప్రకటిస్తామని చిత్ర యూనిట్ అధికారికంగా ప్రకటించింది.