Hello Baby: సోలో క్యారెక్టర్‌తో హలో బేబీ..గట్స్ ఉండాలన్న నందితా శ్వేత

Hello Baby Motion Poster Released: ఎస్కేఎంఎల్ మోషన్ పిక్చర్స్ బ్యానర్ లో తెరకెక్కిన తాజా చిత్రం హలో బేబీ. కావ్య కీర్తి హీరోయిన్ గా నటిస్తున్న ఈ సినిమా ద్వారా రాంగోపాల్‌ రత్నం దర్శకుడిగా పరిచయమవుతున్నాడు. ‘హీరోయిన్‌ ఓరియెంటెడ్‌ సినిమాగా తెరకెక్కుతున్న ఈ సినిమా ఓ యువతి జీవిత ప్రయాణంలోని అనూహ్య మలుపులను ఆధారంగా చేసుకుని తెరకెక్కించారు. ఇక ఈ సినిమా రిలీజ్ కి రెడీ అవుతున్న క్రమంలో ప్రమోషన్స్ మొదలు పెట్టింది సినిమా యూనిట్. తాజాగా ఈ సినిమా మోషన్ పోస్టర్ ను ప్రముఖ నటి నందితా శ్వేత రిలీజ్ చేశారు. ఈ సందర్భంగా ఆమె మాట్లాడుతూ సోలో క్యారెక్టర్ తో ఈ సినిమా రూపొందించడానికి ప్రొడ్యూసర్ కి, డైరెక్టర్ కి గట్స్ ఉండాలన్నారు. ఇలాంటి సినిమాను ప్రేక్షకులు కచ్చితంగా ఆదరిస్తారని అన్నారు. ఇప్పటికే ఇంటర్నేషనల్ ఫిలిం ఫెస్టివల్ ఆఫ్ ఆంధ్ర ప్రదేశ్ లో ఉత్తమ చిత్రంగా అవార్డు అందుకుందని, ఇలాంటి అవార్డులు, రివార్డ్స్ ఇంకా చాలా ఈ చిత్రానికి రావాలని మనస్పూర్తిగా కోరుకుంటున్నానని అన్నారు. చిత్ర నిర్మాత కాండ్రేగుల ఆదినారాయణ మాట్లాడుతూ భారతదేశంలోనే మొదటి హ్యాకింగ్ విత్ సోలో క్యారెక్టర్ తో చేసిన సినిమా ఇది, ఈ సినిమా చేసినప్పుడు కచ్చితంగా హిట్ అవుతుందన్న నమ్మకం కుదిరింది. మా దర్శకుడు రామ్ గోపాల్ రత్నం చాలా అద్భుతంగా ఈ సినిమాని తీర్చిదిద్దారు, మ్యూజిక్ డైరెక్టర్ సుకుమార్ పమ్మి మంచి సంగీతాన్ని అందించారు. సింగిల్ క్యారెక్టర్ నటించిన కావ్య కీర్తి అద్భుతమైన నటన తో అతిత్వరలో ఈ చిత్రం రిలీజ్ కాబోతుంది అని అన్నారు.