Hansika Motwani: నా సినిమా సక్సెస్.. పడిన కష్టం మొత్తం మర్చిపోయా

Hansika Motwani: బబ్లీ బ్యూటీ హన్సిక ప్రధాన పాత్రలో నటించిన లేడీ ఓరియంటెడ్ చిత్రం మై నేమ్ ఈజ్ శృతి. శ్రీ‌నివాస్ ఓంకార్ దర్శకత్వంలో వైష్ణ‌వి ఆర్ట్స్ ప‌తాకంపై బురుగు రమ్య ప్రభాకర్ నిర్మించారు. స్కిన్ మాఫియా నేపధ్యంలో తెరకెక్కిన ఈ చిత్రం నవంబర్ 17న థియేటర్లలో విడుదలై మంచి విజయాన్ని అందుకుంది. ఈ నేపథ్యంలోనే చిత్ర సక్సెస్‌ను పురస్కరించుకుని మేకర్స్ మంగళవారం హైదరాబాద్‌లో సక్సెస్‌మీట్‌ను నిర్వహించారు.

ఇక ఈ సక్సెస్ మీట్ లో హన్సిక మాట్లాడుతూ.. ” ఈ సినిమాను ఇంత పెద్ద సక్సెస్ చేసిన ప్రేక్షకులకు, మొదటి నుండి సపోర్ట్ చేస్తూ వస్తున్న మీడియాకు థ్యాంక్యూ. ఈ సినిమా కోసం నిర్మాత, దర్శకుడు ఎంతగా కష్టపడ్డారో నాకు తెలుసు. ఇది జెన్యూన్ ఫీమేల్ సెంట్రిక్ ఫిల్మ్.. ఈ సినిమాకు వస్తున్న టాక్, రేటింగ్స్‌.. పడిన కష్టమంతా మరిచిపోయేలా చేశాయి. ఇటువంటి మంచి చిత్రాన్ని తీసిన దర్శకుడితో వర్క్ చేసినందుకు హ్యాపీగా ఉంది. అలాగే నిర్మాత చాలా స్వీట్ అండ్ గుడ్ పర్సన్. ఒక సక్సెస్‌ఫుల్ సినిమా తీయాలని ఆయన ఎంతో తాపత్రయపడ్డారు. దర్శకనిర్మాతల ఫ్యూచర్ ప్రాజెక్ట్స్‌కి ఆల్ ది బెస్ట్. మా అందరితో మరిన్ని బ్లాక్‌బస్టర్ చిత్రాలు చేయాలని కోరుకుంటున్నాను. సపోర్ట్ చేసిన అందరికీ థ్యాంక్యూ” అని చెప్పుకొచ్చింది.

ఇక డైరెక్టర్ శ్రీ‌నివాస్ ఓంకార్ మాట్లాడుతూ.. ” సినిమా విడుదలకు ముందు మీడియాకు షో వేశాం. షో అనంతరం మీడియా సోదరులు మంచి ఫీడ్‌బ్యాక్ ఇచ్చారు. మరుసటి రోజు సినిమా విడుదలైన తర్వాత కూడా నేను అదే ఫీడ్‌బ్యాక్‌ని గమనించాను. ఒక కొత్త దర్శకుడిని.. కొత్త నిర్మాత నమ్మడం అనేది మాములు విషయం కాదు. ఈ మూవీతో ఓ మంచి నిర్మాత ఇండస్ట్రీకి పరిచయం అయ్యారు. ఈ సినిమా కథ చెప్పే సమయంలో హన్సిక గారికి ఒక ప్రామిస్ చేశాను. తన బెస్ట్ 10 మూవీస్‌లో ఈ సినిమా ఉంటుందని చెప్పాను. ఈ రోజు ఈ సినిమాకు వస్తున్న రివ్యూలు, రేటింగ్‌లు చూస్తుంటే.. నేను నా ప్రామిస్‌ను నిలబెట్టుకున్నాననే అనుకుంటున్నాను. పేరేంట్స్ పిల్లలతో కలిసి తప్పకుండా చూడాల్సిన సినిమా ఇది. నాకు సపోర్ట్ చేసిన ప్రతి ఒక్కరికీ, మీడియాకు మరొక్కసారి థ్యాంక్స్ చెబుతున్నాను” అని తెలిపాడు.