నటసింహం నందమూరి బాలకృష్ణ నటించిన “అఖండ” చిత్రం జోరు ఇంకా తగ్గనేలేదు. సినిమా విడుదలై 50 రోజులు పూర్తయినా ప్రేక్షకుల నుంచి ఏమాత్రం ఆదరణ తగ్గలేదు అనిపించేలా తాజాగా జరిగిన ఓ సంఘటన సినీ వర్గాలకు ఆశ్చర్యాన్ని కలిగిస్తోంది. ఈ చిత్రం డిస్నీ ప్లస్ హాట్‌స్టార్‌లో డిజిటల్ ప్రీమియర్ అయ్యాక కూడా ‘అఖండ’ ఆవేశానికి అడ్డుకట్ట పడకపోవడం విశేషం. ఓటిటిలో విడుదలైన 24 గంటల్లోనే, రికార్డు స్థాయిలో ప్రేక్షకులు యాక్షన్ ఎంటర్‌టైనర్‌ను వీక్షించారు.
Read Also : బాలయ్య నామస్మరణలో గ్రామం… ఆరుబయట “అఖండ”…!!
ఇప్పుడు ఆశ్చర్యకరంగా పాత రోజుల్లో మాదిరిగానే ఆంధ్రప్రదేశ్‌లోని ఒక గ్రామం మొత్తం బహిరంగ మైదానంలో ‘అఖండ’ను వీక్షించింది. ఈ విషయం టీ-టౌన్‌లో హాట్ న్యూస్‌గా మారింది. అంతేకాదు బాలయ్య స్టామినాను మరోసారి నిరూపించింది. దానికి సంబంధించిన పిక్స్ ఇప్పుడు సోషల్ మీడియాలో చక్కర్లు కొడుతున్నాయి. ఇక ఈ సినిమా కేరళలోనూ దుమ్ము రేపుతోంది. హాట్ స్టార్ లో వస్తున్న మలయాళ వెర్షన్ కు కూడా విశేషమైన స్పందన రావడమే కాకుండా, మలయాళ ఫ్యాన్స్ పేజీలు, ట్రోల్స్ పేజీలు కూడా ‘అఖండ’తో నిండిపోతున్నాయి.
బోయపాటి శ్రీను దర్శకత్వం వహించిన ఈ సెన్సేషనల్ హిట్ సినిమా ఇప్పటికే ఉన్న అనేక ఆఫ్‌లైన్, ఆన్‌లైన్ రికార్డులను బద్దలు కొట్టింది. ప్రగ్యా జైస్వాల్, శ్రీకాంత్, జగపతి బాబు తదితరులు కీలకపాత్రను పోషించగా, థమన్ అందించిన సంగీతం సినిమాను నెక్స్ట్ లెవెల్ కు తీసుకెళ్లింది.
