Nithya Menen: దుల్కర్ సల్మాన్ నన్ను పెళ్లి చేసుకోమని అడిగాడు
Dulquer Salman Suggestion To Nithya Menen On Marriage: కొన్ని రోజుల నుంచి పెళ్లి రూమర్లతో నిత్యా మీనన్ నిత్యం వార్తల్లోకెక్కుతోంది. తొలుత ఓ యూట్యూబర్ తెగ హంగామా చేశాడు. తాను నిత్యాని ప్రేమిస్తున్నానని, త్వరలోనే పెళ్లి చేసుకుంటానంటూ హల్చల్ చేశాడు. అయితే, అందులో వాస్తవం లేదని, రివర్స్లో అతడు వేధిస్తున్నాడంటూ ఆ యూట్యూబర్ నోరు మూయించేసింది. తాను ఇప్పుడిప్పుడే పెళ్లి గురించి ఆలోచించడం లేదని క్లారిటీ ఇచ్చింది. అయినా.. రూమర్స్ తగ్గలేదు. పెళ్లికి సిద్ధమైంది కాబట్టి, ఏ సినిమాలకు సంతకం చేయట్లేదని ప్రచారం ఊపందుకుంది. ఈ నేపథ్యంలోనే నిత్యా మీనన్ మరోసారి మీడియా ముందుకొచ్చి, ఆ ప్రచారంలో నిజం లేదని స్పష్టం చేసింది.
‘‘నా కాలికి గాయం కావడంతో విశ్రాంతి తీసుకుంటున్నాను. కానీ, మీడియా వాళ్లు మాత్రం ఏవేవో కథనాలు రాసేస్తున్నారు. పెళ్లి చేసుకుంటోంది కాబట్టి కథలు వినట్లేదు అని రూమర్స్ పుట్టించేశారు. ఆ వార్తల్లో నిజం లేదు. ప్రస్తుతానికి నాకు పెళ్లి ఆలోచన లేదు’’ అని నిత్యా మీనన్ చెప్పింది. ఇదే సమయంలో.. దుల్కర్ సల్మాన్ తనకు ఒక మంచి స్నేహితుడని, పెళ్లి చేసుకొని ఫ్యామిలీతో సంతోషంగా ఉండమని సూచిస్తుంటాడని తెలిపింది. తాము కలిసినప్పుడల్లా పెళ్లి ప్రస్తావన వస్తూనే ఉంటుందని పేర్కొంది. అయితే.. తనకు మాత్రం ఇప్పుడే పెళ్లి చేసుకోవాలని లేదని వెల్లడించింది. భవిష్యత్తుల్లో కూడా చేసుకుంటానో లేదోనంటూ కుండబద్దలు కొట్టింది. నిజానికి.. ఓ వయసుకి వచ్చాక కథానాయికలు పెళ్లి చేసుకొని సెటిలవుతారు. కానీ, నిత్యా మాత్రం అందుకు భిన్నంగా పెళ్లిపై ఆసక్తి లేదని బాంబ్ పేల్చడం వెనుక ఏదో మతలబు ఉందంటూ చెప్పుకుంటున్నారు.
ఈ క్రమంలోనే తాను ఇండస్ట్రీలో ఎదుర్కొన్న ఓ ఇబ్బంది గురించి కూడా నిత్యా చెప్పుకొచ్చింది. తనని ఇండస్ట్రీ నుంచి బ్యాన్ చేశారని వార్తల్ని ఓసారి పుట్టించారని, అది తనని తీవ్రంగా కలచివేసిందని చెప్పింది. ఎవరో కావాలనే ఆ తప్పుడు ప్రచారానికి తెరలేపారని వాపోయింది. మనం మంచి స్థాయిలో ఉన్నప్పుడు మనల్ని కిందకు లాగేందుకు చాలామంది ప్రయత్నిస్తుంటారని, తన విషయంలోనూ అదే జరిగిందని పేర్కొంది. అయితే.. అందరి గురించి ఆలోచిస్తూ పోతే, తన పనులు చేసుకోవడానికి సమయం దొరకదని, అందుకే అలాంటి రూమర్స్కి పెద్దగా ప్రాధాన్యం ఇవ్వట్లేదని నిత్యా మీనన్ వెల్లడించింది.