‘నారప్ప’ కన్నా ముందు ‘దృశ్యం-2’?

కరోనా మహమ్మారి సెకండ్ వేవ్ ఎఫెక్ట్ సినిమా ఇండస్ట్రీపై బాగానే పడింది. సినిమా థియేటర్లు మూసివేశారు. షూటింగులు కూడా నిలిపివేయడంతో ఎంతోమంది సినీ కార్మికులకు పనే లేకుండా పోయింది. చాలా సినిమాల విడుదల వాయిదా పడింది. ఈ పరిస్థితుల్లో విక్టరీ వెంకటేష్ నటించిన రెండు సినిమాల విడుదల ప్లాన్స్ మారాయనే వార్త ఆసక్తికరంగా మారింది. ప్రస్తుతం వెంకటేష్ నటించిన నారప్ప, దృశ్యం-2 సినిమా షూటింగులు పూర్తయ్యాయి. దీంతో ఈ రెండు చిత్రాలు విడుదలకు సిద్ధంగా ఉన్నాయి. అయితే “నారప్ప”నే మొదటగా విడుదల చేయాల్సి ఉంది. కానీ ఇప్పుడు వెంకీ టీం కొన్ని బిజినెస్ లెక్కల కారణంగా “దృశ్యం-2″ను ముందుగా విడుదల చేయాలనీ భావిస్తున్నారట. దీనికి కారణం తెలియదు కాని ఈ వార్త చర్చనీయాంశంగా మారింది. మరి వెంకీ మామ ప్లాన్ ఏంటో తెలియాలంటే కొన్ని రోజులు ఆగాల్సిందే.