Director Bobby: చిరంజీవి రాజకీయాలకు పనికి రాడు.. బెండు తీయడానికి పవన్ వచ్చాడు

Director Bobby: మెగాస్టార్ చిరంజీవి, శృతి హాసన్ జంటగా డైరెక్టర్ బాబీ దర్శకత్వంలో తెరకెక్కిన చిత్రం వాల్తేరు వీరయ్య. జనవరి 13 న ఈ సినిమా ప్రేక్షకుల ముందుకు రానుంది. రిలీజ్ డేట్ దగ్గరపడుతుండటంతో ప్రమోషన్స్ పెంచేసిన మేకర్స్ నేడు వైజాగ్ లో ఈ సినిమా ప్రీ రిలీజ్ ఈవెంట్ ను ఘనంగా నిర్వహించారు. ఈ వేదికపై డైరెక్టర్ బాబీ మాట్లాడుతూ.. తన కల నెరవేరిందని, 39 ఏళ్లుకి తన కల నెరవేరడం ప నుంచి తన తండ్రి చూసి సంతోషిస్తారని అనుకుంటున్నానని చెప్పాడు. చిరంజీవి గారి గురించి చెప్పాలంటే మాటలు చాలవని చెప్పిన బాబీ ఆయనను డైరెక్ట్ చేయడం గర్వంగా ఫీల్ అవుతున్నాని అన్నాడు. ఇక తన తండ్రి చనిపోయిన మూడో రోజునే షూటింగ్ చేశానని, అది కూడా తన నాన్న గారు చెప్పడం వలనే చేసినట్లు చెప్పాడు.

ఇక చిరంజీవి గురించి బాబీ చెప్తూ.. ” మెగాస్టార్ కు కోపం ఎందుకు రాదు.. ఎవరెవరో మాట అనేస్తే తిరిగి మాట ఎందుకు అనరు అంటే ఒక రోజు అయన ఒక మాట చెప్పారు. అవతలోడు అన్నాడు అని మనం అనేస్తే వాడికి తల్లిదండ్రులు ఉంటారు, భార్యాబిడ్డలు ఉంటారు, చెల్లెలు ఉంటారు.. వాళ్ళు బాధపడతారు బాబీ అన్నాడు.. ఎలా వచ్చిందో తెలియదు మీకు ఈ గుణం.. నిజంగా మీకు రాజకీయాలకు వెళ్ళినప్పుడు మళ్లీ మీతో చేయలేనేమో అనుకున్నాను.. కానీ ఎక్కడో ఒక ఫీలింగ్ ఉండేది. బట్ మీకు రాజకీయాలు వన్ పర్సెంట్ కూడా కరెక్ట్ కాదు అన్నయ్య. మీకు దేవుడు ఒక తమ్ముడిని ఇచ్చాడు.. అతను చూసుకుంటాడు.. అతను సమాధానం చెప్తాడు. అతడు గట్టిగా నిలబడతాడు. మీలో నుంచి వచ్చిన ఆవేశం, మంచితనం కలగలిపితే పవర్ స్టార్. అతను మాటకు మాట సమాధానమిస్తాడు. పవన్ తో నేను కలిసి పనిచేశాను.సేమ్ మంచితనం” అని చెప్పుకొచ్చాడు. ఇక సినిమాలో నటించిన ప్రతి ఒక్కరి గురించి చెప్పుకొస్తూ వారికి కృతజ్ఞతలు తెలిపాడు. ఒక అభిమానిగా రికార్డు డైలాగ్ రాసినట్లు చెప్పిన బాబీ, అది చిరుకు మాత్రమే సెట్ అవుతుందని చెప్పుకొచ్చాడు. రవితేజ తో రెండు సినిమాలు చేశాను..ఆయన అడగగానే ఒప్పుకున్నారు.. ఆ సమయంలో రవికి షూటింగ్ ఉంటే తరువాత పెట్టుకుందామని విలువ ఇచ్చేవారని తెలిపాడు. ఈ సినిమా ఒక పెద్ద సంక్రాంతి పండుగ అని, దీని జాతర జనవరి 13 న మొదలై ఎన్ని రోజులు ఉంటుందో చెప్పలేమని చెప్పుకొచ్చాడు.