Viraji: ఆహా అనిపిస్తున్న “విరాజి”

Viraji trending in AHA: “విరాజి” సినిమాతో హీరో వరుణ్ సందేశ్ ఒక ప్రయోగం చేసి ప్రేక్షకుల ప్రశంసలు దక్కించుకున్నాడు. ఈ సినిమాను మహా మూవీస్ తో కలిసి ఎం3 మీడియా బ్యానర్ పై మహేంద్ర నాథ్ కూండ్ల నిర్మించగా ఆద్యంత హర్ష దర్శకుడిగా పరిచయం అయ్యాడు. ఈ నెల 2న థియేటర్స్ లోకి వచ్చిన “విరాజి” సినిమా ఆహా ఓటీటీలో స్ట్రీమింగ్ అవుతోంది. ఈ నేపథ్యంలో చిత్ర బృందం ప్రెస్ మీట్ నిర్వహించగా నిర్మాత మహేంద్ర నాథ్ కూండ్ల మాట్లాడుతూ “విరాజి” సినిమాను ఈ నెల 2న థియేట్రికల్ రిలీజ్ చేశాం, ఆ వారం చాలా సినిమాలు ఉండటం వల్ల ఎక్కువమంది ఆడియెన్స్ కు మా మూవీ రీచ్ కాలేకపోయిందని అన్నారు.

Sakhahari: తెలుగులోకి కన్నడ బ్లాక్ బస్టర్.. ఎక్కడ? ఎప్పుడు చూడాలంటే?

అందుకే వీలైనంత త్వరగా ఓటీటీలోకి తీసుకురావాలని అనుకున్నాం, ఆ మేరకు ఆహాలో మా సినిమా స్ట్రీమింగ్ అవుతోంది అన్నారు. ఇప్పటికే మా విరాజి చిత్రం 56 లక్షల వాచ్ మినిట్స్ తో ఆహా యాప్ లో ట్రెండింగ్ లో ఉందని అన్నారు. హీరో వరుణ్ సందేశ్ మాట్లాడుతూ – ఈ రోజు “విరాజి” సినిమా ఆహా ఓటీటీలోకి వచ్చి 56 లక్షల వాచ్ మినిట్స్ తో ట్రేండింగ్ లో ఉంది. ఒక మంచి పాయింట్ తో డైరెక్టర్ ఆద్యంత్ హర్ష “విరాజి” సినిమాను అందరికీ నచ్చేలా రూపొందించారు, అయితే ఆగస్టు 2న థియేటర్స్ మేము అనుకున్నంత స్థాయిలో దొరకలేదు. థియేటర్స్ అందుబాటులో లేక చాలామంది చూడలేకపోయారు. ఇప్పుడు ఆహా ద్వారా అందరు చూస్తున్నారని అన్నారు.