రిలీజ్ డేట్ ప్రకటించిన ‘విజయ రాఘవన్’
‘బిచ్చగాడు’ చిత్రంతో తెలుగు ప్రేక్షకుల మనసు గెలుచుకున్న తమిళ స్టార్ విజయ్ ఆంటోనీ. ఆ చిత్రంలో విజయ్ నటనకు సౌత్ ప్రేక్షకులు ఫిదా అయ్యారు. ఈ యంగ్ హీరో విలక్షణమైన కథలను ఎంచుకుంటూ ఇండస్ట్రీలో తనకంటూ ప్రత్యేకమైన గుర్తింపును సంపాదించుకున్నాడు. ప్రస్తుతం విజయ్ ఆంటోనీ హీరోగా నటిస్తున్న చిత్రం ‘విజయ రాఘవన్’. ఆనంద్ కృష్ణన్ దర్శకత్వంలో తెరకెక్కుతున్న ఈ చిత్రం విడుదల తేదీని తాజాగా ప్రకటించారు మేకర్స్. ఈ ఏడాది మే 14న రంజాన్ కానుకగా ‘విజయ రాఘవన్’ థియేటర్లలోకి రానున్నట్లు తెలుపుతూ తాజా పోస్టర్ ను విడుదల చేశారు. ఈ చిత్రంలో విజయ్ సరసన ఆత్మిక హీరోయిన్ గా నటిస్తోంది. రామచంద్రరాజు, ప్రభాకర్ తదితరులు కీలకపాత్రల్లో కనిపించనున్నారు. ఇటీవలే ఈ చిత్రం నుంచి విడుదలైన టీజర్ సినిమాపై అంచనాలను పెంచేసింది. దాదాపు ఐదు భాషల్లో ‘విజయ రాఘవన్’ ప్రేక్షకుల ముందుకు రానున్నాడు. ఇక ‘బిచ్చగాడు’తో తెలుగులో కూడా మార్కెట్ పెంచుకున్న విజయ్ ఆంటోనీ చిత్రాలు ఇక్కడ కూడా విడుదల అవుతున్నాయి.