Vettaiyan : వేట్టయన్ చేయనున్న నాని .. అసలు విషయం చెప్పేసిన డైరెక్టర్

Vettaiyan Gnanavel Comments on Fahad Fassil Role: రజినీకాంత్ హీరోగా వేట్టయన్ అన్న సినిమా ప్రేక్షకుల ముందుకు వచ్చింది. దసరా సందర్భంగా ఈ సినిమా అక్టోబర్ 10వ తేదీన తెలుగు సహా తమిళ, కన్నడ, మలయాళ, హిందీ భాషల్లో రిలీజ్ అయింది. తాజాగా ఈ సినిమా దర్శకుడు జ్ఞానవేల్ తెలుగు మీడియాతో ముచ్చటించారు. ఈ సందర్భంగా ఫహాద్ ఫాజిల్ నటించిన బ్యాటరీ పాత్ర గురించి కామెంట్ చేశారు. నిజానికి ఫహాద్ ఫాజిల్ నటించిన ఈ పాత్ర కోసం నానిని సంప్రదించారని అయితే నాని చేయను అన్న తర్వాత ఫహద్ ఫాజిల్ ని సంప్రదించి ఆయన చేత నటింప చేశారని ప్రచారం ఉంది.

Balakrishna : హీరోయిన్లకి మించిన అందం.. సెంటర్ ఆఫ్ అట్రాక్షన్‌గా బాలయ్య కుమార్తెలు

అయితే ఇదే విషయం మీద దర్శకుడు స్పందించాడు. తాను ఈ క్యారెక్టర్ రాసుకున్నప్పుడు మొదటి ఆప్షన్ ఫహాద్ ఫాజిల్ అనుకున్నానని దేవుడి దయ వల్ల ఆ పాత్ర చెప్పగానే ఫహాద్ ఫాజిల్ వెంటనే ఒప్పుకున్నాడని చెప్పుకొచ్చారు. అలాగే రానా పాత్రకి కూడా ముందుగా రానానే అనుకున్నామని వేరే ఏ నటుడిని కన్సిడర్ కూడా చేయలేదని ఆయన అన్నారు. టి.జె.జ్ఞాన‌వేల్ ద‌ర్శ‌క‌త్వం వహించిన ఈ సినిమాను ప్ర‌ముఖ నిర్మాణ సంస్థ లైకా ప్రొడ‌క్ష‌న్స్ నిర్మించింది. సుభాస్క‌ర‌న్ నిర్మాతగా వ్యవహరించారు. ద‌స‌రా సంద‌ర్భంగా అక్టోబ‌ర్ 10న విడుదలైన ఈ సినిమా బాక్సాఫీస్ వద్ద సత్తా చాటుతోంది. ఏసియన్ సురేష్ ఎంటర్‌టైన్‌మెంట్‌తో కలిసి దిల్ రాజు ఈ చిత్రాన్ని తెలుగులో రిలీజ్ చేశారు. సీడెడ్ ఏరియాలో శ్రీ లక్ష్మీ మూవీస్ రిలీజ్ చేసింది.