Tollywood Star Heros Movies Lineup: టాలీవుడ్ లో బడా హీరోలు అందరూ ఇప్పుడు బిజీ బిజీగా ఉన్నారు. ఒక్కొక్కరు ఒక్క సినిమా కాదు రెండు మూడు సినిమాలను లైన్లో పెట్టి షూటింగ్స్ తో బిజీబిజీగా ఉన్నారు. ఇప్పుడు ఏ ఏ హీరో ప్రస్తుతానికి ఏ సినిమా చేస్తున్నారు? పైప్ లైన్ లో ఏ సినిమాలు ఉన్నాయి అనే విషయాలు తెలుసుకునే ప్రయత్నం చేద్దాం.
చిరంజీవి: మెగాస్టార్ చిరంజీవి విషయానికి వస్తే ఆయన ప్రస్తుతం విశ్వంభర అనే సినిమా చేస్తున్నాడు. ప్రస్తుతానికి మరో సినిమా ఏది ఒప్పుకోలేదు. హరీష్ శంకర్ సహా అనేకమంది దర్శకులతో ఆయన సినిమా చేయబోతున్నట్లు ప్రచారం జరిగింది కానీ ఇప్పటివరకు అధికారిక ప్రకటన అయితే ఏది విలువబడలేదు.
నందమూరి బాలకృష్ణ: నందమూరి బాలకృష్ణ విషయానికి వస్తే ప్రస్తుతానికి ఆయన బాబీ దర్శకత్వంలో తన 109వ సినిమా చేస్తున్నాడు. ఈ సినిమా సంక్రాంతికి ప్రేక్షకుల ముందుకు రాబోతోంది. అయితే ఈరోజే బోయపాటి దర్శకత్వంలో అఖండ 2 సినిమా ముహూర్తం జరిగింది.
పవన్ కళ్యాణ్ : ఇక పవన్ కళ్యాణ్ విషయానికి వస్తే హరిహర వీరమల్లు సినిమాతో పాటు సుజిత్ దర్శకత్వంలో ఓజి, హరీష్ శంకర్ దర్శకత్వంలో ఉస్తాద్ భగత్ సింగ్ సినిమాలు చేయాల్సి ఉంది. ఈ అన్ని సినిమాల షూటింగ్స్ మొదలయ్యాయి కానీ ప్రస్తుతం పవన్ కళ్యాణ్ డేట్స్ కోసం మేకర్స్ వెయిట్ చేస్తున్నారు.
ప్రభాస్: ముందుగా ప్రభాస్ విషయానికి వస్తే మారుతీ దర్శకత్వంలో రాజా సాబ్ హను రాఘవపూడి దర్శకత్వంలో ఓ సినిమా అలాగే సందీప్ రెడ్డి వంగా దర్శకత్వంలో స్పిరిట్, ప్రశాంత్ నీల్ దర్శకత్వంలో సలార్ 2 సినిమాలు చేస్తున్నారు. వీటిలో కేవలం రాజా సాబ్ సినిమా మాత్రమే సెట్స్ మీద ఉంది. మిగతా సినిమాలన్నీ పట్టాలెక్కాల్సి ఉంది.
మహేష్ బాబు: మహేష్ బాబు విషయానికి వస్తే చివరిగా గుంటూరు కారం అనే సినిమాతో ప్రేక్షకుల ముందుకు వచ్చాడు. ప్రస్తుతానికి రాజమౌళి దర్శకత్వంలో తన 29వ సినిమా చేయాల్సి ఉంది. ఆ సినిమా ప్రస్తుతానికి ప్రీ ప్రొడక్షన్ దశలో ఉంది.
రామ్ చరణ్: రామ్ చరణ్ విషయానికి వస్తే ప్రస్తుతం ఆయన గేమ్ చేంజర్ అనే సినిమా పూర్తి చేశాడు. ఆ సినిమా సంక్రాంతికి ప్రేక్షకుల ముందుకు రాబోతోంది. ఈలోపే ఆయన బుచ్చిబాబు దర్శకత్వంలో తన 16వ సినిమా పట్టాలెక్కించాల్సి ఉంది.
అల్లు అర్జున్ : అల్లు అర్జున్ విషయానికి వస్తే ఆయన ప్రస్తుతం పుష్ప 2 సినిమా షూటింగ్లో బిజీగా ఉన్నాడు. ఈ సినిమా డిసెంబర్ 6వ తేదీన రిలీజ్ అవుతుంది. సినిమా పూర్తి అయిన తర్వాత అల్లు అర్జున్ దర్శకత్వంలో ఒక సినిమా చేయడానికి సిద్ధమవుతున్నాడు.
జూనియర్ ఎన్టీఆర్: జూనియర్ ఎన్టీఆర్ విషయానికి వస్తే ఇప్పటికే ఆయన దేవర అనే సినిమాతో ప్రేక్షకుల ముందుకు వచ్చాడు. ప్రస్తుతానికి వార్ 2 సినిమా షూటింగ్లో కూడా పాల్గొంటున్నాడు. ఈ సినిమా పూర్తి అయిన తర్వాత ఆయన ప్రశాంత్ నీల్ దర్శకత్వంలో ఒక సినిమా చేయాల్సి ఉంది. తర్వాత దేవర 2 సినిమా పట్టాలెక్కించే అవకాశం ఉంది.
