Bharath Kanth: సినీ పరిశ్రమలో విషాదం.. ORR ప్రమాదంలో యువ నటుడు, సినిమాటోగ్రాఫర్ మృతి!

తెలుగు సినీ ఇండస్ట్రీలో విషాదం చోటుచేసుకుంది. యువ నటుడు Bharat Kaand రోడ్డు ప్రమాదంలో దుర్మరణం చెందారు. ఆయనతో పాటు ప్రముఖ సినిమాటోగ్రాఫర్ Trilok కూడా ఈ ప్రమాదంలో ప్రాణాలు కోల్పోయారు. ఈ ఘటన సినీ వర్గాల్లో తీవ్ర విషాదాన్ని నింపింది. సమాచారం ప్రకారం, నెల్లూరు నుంచి హైదరాబాద్‌కు కారులో ప్రయాణిస్తున్న సమయంలో ఔటర్ రింగ్ రోడ్‌పై బొంగ్లూర్ గేట్ సమీపంలో ఈ ప్రమాదం జరిగింది. వెనుక నుంచి వేగంగా వచ్చిన ఓ కంటైనర్ లారీ వారి కారును ఢీకొట్టినట్లు తెలుస్తోంది. ఢీకొట్టిన తీవ్రత ఎక్కువగా ఉండటంతో హీరో భారత్ కాండ్, సినిమాటోగ్రాఫర్ త్రిలోక్ అక్కడికక్కడే మృతి చెందినట్లు సమాచారం.

ఇటీవల విడుదలైన ‘టాలెంట్’ సినిమాలో హీరోగా నటించిన భారత్ కాండ్, తన నటనతో మంచి గుర్తింపు తెచ్చుకున్నాడు. తెలుగు, హిందీ వెబ్ సిరీస్‌లలో కూడా నటిస్తూ ప్రేక్షకులకు దగ్గరయ్యాడు. ఇక త్రిలోక్ విషయానికి వస్తే, పలు తెలుగు సినిమాలకు సినిమాటోగ్రాఫర్‌గా పనిచేసి ఇండస్ట్రీలో ప్రత్యేక గుర్తింపు సంపాదించారు.ఈ విషాద ఘటన తెలిసిన వెంటనే సినీ ప్రముఖులు, అభిమానులు సోషల్ మీడియాలో సంతాపం తెలుపుతున్నారు. ఒక్కసారిగా ఇద్దరు ప్రతిభావంతులను కోల్పోవడం చాలా బాధాకరమని ఇండస్ట్రీ వర్గాలు ఆవేదన వ్యక్తం చేస్తున్నాయి.