Kalki 2898 AD: ‘కల్కి 2898 ఏడీ’లో కృష్ణుడి పాత్రకు వాయిస్ ఓవర్ ఇచ్చింది ఆయనే..
Kalki 2898 AD: రెబల్ స్టార్ ప్రభాస్ నటించిన భారీ అంచనాల చిత్రం కల్కి 2898 ఏడీ ఈరోజు థియేటర్లలో విడుదలైంది. మార్నింగ్ షోల నుంచి ఈ చిత్రానికి విమర్శకుల నుంచి కూడా ప్రశంసలు లభిస్తున్నాయి. ప్రముఖ నిర్మాత అశ్విని దత్ ఈ మెగా బడ్జెట్ చిత్రానికి మద్దతుగా నిలిచారు. ఈ చిత్రంలో దర్శకుడు నాగ్ అశ్విన్ చెప్పినట్లుగా ఈ చిత్రంలో చాలా క్యామియో అప్పియరన్సులు ఉన్నాయి. ఈ చిత్రంలో ఆర్జీవీ, రాజమౌళి,దుల్కర్ సల్మా్న్, విజయ్ దేవరకొండలు కూడా పాత్రలను పోషించారు. ఈ సినిమాలో మరో క్యామియో ఏదైనా ఉందంటే అది కృష్ణుడి పాత్రే. ఆ పాత్రను మాత్రం సినిమాలో రివీల్ చేయలేదు. సినిమాలో కేవలం వాయిస్ మాత్రమే వినిపిస్తుంది. మనిషి కనిపిస్తాడు, కానీ ముఖాన్ని మాత్రం రివీల్ చేయరు. ఆ పాత్రను పోషించింది నేచురల్ స్టార్ నాని అని టాక్ ఉంది. చాలా మంది ట్విట్టర్ పోస్టులు కూడా పెడుతున్నారు.
Read Also: Kanguva: కంగువ రిలీజ్ డేట్ ఫిక్స్.. సూర్య, తలైవాల మధ్య యుద్ధమే!
ఈ క్రమంలో కల్కి సినిమాలో కృష్ణుడిగా చేసింది నాని కాదని తెలిసింది. ఆ పాత్ర చేసింది కృష్ణకుమార్ అలియాస్ కేకే అని క్లారిటీ వచ్చింది. ఇతను యాక్టర్, డైరెక్టర్, ప్రొడ్యూసర్, యాక్షన్ కొరియోగ్రాఫర్ కూడా. తానే ఈ రోల్ చేసినట్లు తన ఇన్స్టాగ్రామ్లో స్టోరీ కూడా పెట్టాడు. ఈ పాత్రకు మాయా గాత్రానికి పేరుగాంచిన తమిళ నటుడు అర్జున్ దాస్ కృష్ణుడి పాత్రకు వాయిస్ ఓవర్ అందించారు. ఈ విషయాన్ని నటుడు స్వయంగా తన ట్విట్టర్ ఖాతా ద్వారా ధృవీకరించారు. ఈ సినిమాలో అర్జున్ దాస్ అద్భుతమైన వాయిస్ ఓవర్ ఇచ్చాడని నెటిజన్లు ప్రశంసలు కురిపిస్తున్నారు.