విశ్వనటుడు కమల్ హాసన్ నటించిన లేటెస్ట్ మూవీ “ఇండియన్ 2 “.స్టార్ డైరెక్టర్ శంకర్ ఈ సినిమాను తెరెకెక్కించారు.గతంలో వచ్చిన బ్లాక్ బస్టర్ మూవీ “ఇండియన్ ” కు ఈ సినిమా సీక్వెల్ గా తెరకెక్కింది .ఈ సినిమాలో కమల్ హాసన్ మరోసారి అవినీతిపై పోరాడే సేనాపతిగా పవర్ ఫుల్ పాత్రలో కనిపించనున్నారు.ఈ సినిమాలో కాజల్,రకుల్ ప్రీత్ సింగ్ ,సిద్దార్థ్ ప్రధాన పాత్రలలో నటిస్తున్నారు .అలాగే ఈ సినిమాలో ఎస్.జె.సూర్య ,బాబీ సింహ ,మధుబాల వంటి తదితరురు ముఖ్య పాత్రలలో నటిస్తున్నారు.ప్రస్తుతం ఇండియన్ 2 పోస్ట్ ప్రొడక్షన్ పనులు జరుగుతున్నాయి.ఈ సినిమాను జూన్ లో విడుదల చేస్తున్నట్లు మేకర్స్ ప్రకటించారు.కానీ ఈ సినిమా కొన్ని కారణాల వల్ల వాయిదా పడనుందని తెలుస్తుంది. అయితే మేకర్స్ ఎలాంటి అధికార ప్రకటన చేయలేదు.
తాజాగా ఇండియన్ 2 సినిమా నుంచి ఓ అప్డేట్ వైరల్ అవుతుంది..ఈ సినిమాకి రామ్ చరణ్ వాయిస్ ఓవర్ ఇవ్వనున్నాడని సమాచారం.అయితే రామ్ చరణ్ ప్రస్తుతం శంకర్ దర్శకత్వంలో “గేమ్ ఛేంజర్ ” సినిమా చేస్తున్న సంగతి తెలిసిందే. ఈ సినిమా ప్రస్తుతం షూటింగ్ దశలో ఉంది.ఇండియన్ 2 కు వాయిస్ ఓవర్ అందించాల్సిందిగా శంకర్ రాంచరణ్ ను అడిగినట్లు సమాచారం.రాంచరణ్ దానికి ఒప్పుకున్నట్లు తెలుస్తుంది..త్వరలోనే ఇండియన్ 2 కు రాంచరణ్ వాయిస్ ఓవర్ అందించనున్నట్లు సమాచారం. అయితే ఈ విషయంపై మేకర్స్ అధికారిక ప్రకటన చేయలేదు .