Thandel: తండేల్ సెన్సార్ టాక్.. దుల్లగొట్టేయడం ఖాయమట!

నాగచైతన్య పాన్ ఇండియా తండేల్ తో ప్రేక్షకుల ముందుకు రాబోతున్నారు. ఫిబ్రవరి 7న రిలీజ్ కానున్న ఈ సినిమాను కార్తికేయ 2 సినిమాతో పాన్ ఇండియా హిట్ అందుకున్న చందూ మొండేటి డైరెక్ట్ చేస్తున్నాడు. ఇక ఇప్పటికే లవ్ స్టోరీ లాంటి హిట్ అందుకున్న తరువాత సాయి పల్లవి ఈ సినిమాలో మరోసారి చైతూతో కలిసి పని చేస్తోంది. దానికి తోడు ఇది నిజ జీవిత ఘటనలు ఆధారంగా చేస్తున్న సినిమా కావడంతో సినిమా అనౌన్స్ చేసినప్పటి నుంచి అంచనాలు ఉన్నాయి. అల్లు అరవింద్ సమర్పణలో బన్నీ వాసు నిర్మిస్తున్న ఈ సినిమా రిలీజ్ కి రెడీ అవ్వడంతో నిన్న కాక మొన్ననే వైజాగులో ట్రైలర్ రిలీజ్ చేయగా మంచి రెస్పాన్స్ వచ్చింది. ఈరోజు సినిమా యూనిట్ తమిళనాడు ప్రమోషన్స్ కి వెళ్ళింది. ఇక ఇదిలా ఉండగా ఈ సినిమా తెలుగు సెన్సార్ పూర్తయింది. సెన్సార్ వర్గాల నుంచి అందుతున్న సమాచారం మేరకు ఈ సినిమా అదిరిపోయిందట.

Kajal Aggarwal : సైలెంట్ గా సెట్ చేస్తున్న కాజల్ అగర్వాల్.. లైనప్ మాములుగా లేదు

యాడ్స్ తో కలిపి 2:32 నిముషాల నిడివి ఉన్న ఈ సినిమా మొదలైనప్పటి నుంచి ఎండింగ్ వరకు ఎమోషనల్ గా సాగిందని అంటున్నారు. శ్రీకాకుళం జిల్లాకు చెందిన ఓ జాలరి గుజరాత్ లో చేపల వేటకు వెళ్లి పాక్ నేవీ చేతికి చిక్కి ఎలాంటి చిత్రహింసలు పెట్టారు? అనే లైన్ తో తెరకెక్కిన ఈ సినిమాలో ముఖ్యంగా నాగ చైతన్య నటన, అతని శ్రీకాకుళం యాస బాగా నప్పాయని అంటున్నారు. అలాగే సాయి పల్లవితో కెమిస్ట్రీ, లవ్ ట్రాక్ కూడా అదిరిపోయిందని అంటున్నారు. అలాగే దేశభక్తి యాంగిల్ కూడా జనాలకు గూజ్ బంప్స్ ఇచ్చేలా ఉందని అంటున్నారు. సినిమా మొత్తం చూసి సెన్సార్ సభ్యులు యూ\ఏ సర్టిఫికెట్ జారీ చేశారు. మొత్తం మీద సినిమాకు బ్లాక్ బస్టర్ టాక్ అయితే సెన్సార్ వర్గాల నుంచి వినిపిస్తోంది. ఈ లెక్కన నాగచైతన్య కెరీర్లో సినిమా బిగ్గెస్ట్ బ్లాక్ బస్టర్ అయినా ఆశ్చర్యం లేదు అన్నమాట.