Thandel : తండేల్ కోసం కొత్త డేట్ రెడీ.. ఎప్పుడంటే?

కస్టడీ సినిమా తర్వాత చాలా గ్యాప్ తీసుకుని నాగచైతన్య చేస్తున్న సినిమా తండేల్. శ్రీకాకుళం ప్రాంతానికి చెందిన ఒక మత్స్యకారి కుటుంబానికి చెందిన కుర్రాడికి జరిగిన నిజ జీవిత కథను ఆధారంగా చేసుకుని ఈ సినిమా తెరకెక్కిస్తున్నారు. సాయి పల్లవి హీరోయిన్గా నటిస్తున్న ఈ సినిమాని చందు మొండేటి డైరెక్ట్ చేస్తున్నాడు. ఇక ఈ సినిమాని గీత ఆర్ట్స్ 2 బ్యానర్ మీద బన్నీ వాసు చాలా ప్రతిష్టాత్మకంగా నిర్మిస్తున్నారు. ఈ సినిమాని డిసెంబర్ నెలలో ప్రేక్షకులు ముందుకు తీసుకురావాలనుకున్నారు. ఈ మేరకు అధికారిక ప్రకటన కూడా చేశారు కానీ ఇప్పుడు రిలీజ్ డేట్ లన్ని మారుతున్న నేపథ్యంలో ఈ సినిమా ఎప్పుడెప్పుడు రిలీజ్ అవుతుందనే విషయం మీద క్లారిటీ లేదు.

Pushpa 2: పుష్ప గాడికి ఎదురు నిలిచేదెవరు?

సంక్రాంతి పోటీలో దిగే అవకాశం లేదు కాబట్టి ఈ సినిమా కోసం కొత్త డేట్ పరిశీలిస్తున్నట్లుగా తెలుస్తోంది. తాజా సమాచారం మేరకు రిపబ్లిక్ డే రోజు సినిమా రిలీజ్ చేసేందుకు ప్రణాళికలు సిద్ధం చేస్తున్నారు. నిజానికి ఈ సినిమాలో మెయిన్ పాయింట్ భారత జాలర్లు పాకిస్తాన్ నేవీ చేతుల్లో చిక్కి చివరికి మళ్ళీ ఇండియా ఎలా తిరిగి వచ్చారు అనేదాన్ని చూపించబోతున్నారు. దానికి ఒక అందమైన లవ్ స్టోరీ ని కూడా యాడ్ చేశారు. రిపబ్లిక్ డే అయితే కరెక్ట్ గా ఈ మూడ్ కి సెట్ అవుతుంది అని భావిస్తున్నట్లుగా తెలుస్తోంది. ప్రస్తుతానికి ప్లానింగ్ జరుగుతోంది. త్వరలోనే అధికారిక ప్రకటన చేసే అవకాశం కనిపిస్తోంది. ఈ సినిమాలో నాగచైతన్య ఆంధ్రాలోని శ్రీకాకుళం ప్రాంతానికి చెందిన ఒక జాలరిగా కనిపించబోతున్నాడు.