Teliyadu Gurtuledu Marchipoya: “తెలియదు, గుర్తులేదు, మర్చిపోయా” అంటే ఎలా?

నివాస్, అమిత శ్రీ జంటగా “తెలియదు, గుర్తులేదు, మర్చిపోయా” అనే సినిమా తెరకెక్కుతోడి. ఈ చిత్రంలో ఇతర కీలక పాత్రల్లో 30 ఇయర్స్ పృథ్వీ, వినోద్ కుమార్, రఘు బాబు, భరద్వాజ్, ఖయ్యూం వంటి వారు నటిస్తున్నారు. చెన్నా క్రియేషన్స్ బ్యానర్ పై శరత్ చెన్నా నిర్మిస్తున్న ఈ తెలియదు, గుర్తులేదు, మర్చిపోయా సినిమాను ఫుల్ లెంగ్త్ కామెడీ ఎంటర్ టైనర్ గా దర్శకుడు వెంకటేష్ వీరవరపు రూపొందిస్తున్నారు. ఈ సినిమా పూజా కార్యక్రమాలతో లాంఛనంగా ప్రారంభమైంది. ముహూర్తపు సన్నివేశానికి నటుడు రఘుబాబు క్లాప్ నివ్వగా, సంగీత దర్శకుడు ఆర్ పి పట్నాయక్ కెమెరా స్విచ్ఛాన్ చేశారు. ఈ సందర్భంగా నటుడు పృథ్వీ మాట్లాడుతూ మంచి కథ, కథనాలతో తెలియదు, గుర్తులేదు, మర్చిపోయా సినిమా మీ ముందుకు రాబోతోంది.

ఈ సినిమాలో ఒక ఇంట్రెస్టింగ్ రోల్ చేశా, ఈ పాత్రకు ఎవరు సరిపోతారో వాళ్లనే పర్పెక్ట్ గా కాస్టింగ్ చేశారు. నిర్మాత శరత్ చెన్నా గారు బాగా చదువుకున్న వ్యక్తి. ఎంతో ప్యాషన్ తో ఈ మూవీ నిర్మిస్తున్నారు. అలాగే దర్శకుడు వెంకటేష్ ఈ మూవీని అనేక ఇంట్రెస్టింగ్ ట్విస్టులతో ఎంటర్టైనింగ్ గా రూపొందిస్తున్నాడు అని అన్నారు. దర్శకుడు మాట్లాడుతూ – తెలియదు, గుర్తులేదు, మర్చిపోయా సినిమా ఫుల్ లెంగ్త్ కామెడీ ఎంటర్ టైనర్. 30 ఇయర్స్ పృథ్వీ, వినోద్ కుమార్, రఘు బాబు కీ రోల్స్ చేస్తున్నారు. ఈ నెల 18వ తేదీ నుంచి రెగ్యులర్ షూటింగ్ కు వెళ్తున్నాం అని అన్నారు. హీరోయిన్ అమిత శ్రీ తెలియదు, గుర్తులేదు, మర్చిపోయా సినిమాతో హీరోయిన్ గా మీ ముందుకు వస్తుండటం సంతోషంగా ఉందని అన్నారు.