భారతీయ చలనచిత్ర రంగంలో తనకంటూ ఒక ప్రత్యేకమైన ముద్ర వేసుకున్న సీనియర్ నటి టబు (Tabu). దాదాపు అందరూ హీరోలతో జత కట్టిన ఈ హాట్ బ్యూటీ సెకండ్ ఇన్నింగ్లో కూడా మంచి కథలు ఎంచుకుంటూ ధూసుకుపోతుంది. ఇక సినిమాల విషయం పక్కన పెడితే టబు ఎలాంటి విషయాని అయిన ముక్కుసూటిగా మాట్లాడుతుంది. ఇందులో భాగంగా తాజాగా హీరోయిన్ల వయసు, ఇండస్ట్రీలో ఉండే పని తీరుపై ఆసక్తికర వ్యాఖ్యలు చేశారు..
గ్లామర్ ప్రపంచంలో హీరోయిన్ల వయసుపై తరచూ వచ్చే విమర్శలు, సెటైర్లపై టబు ఒక ఇంటర్వ్యూలో మాట్లాడుతూ.. ‘మన వయసు గురించి మనకంటే ఎదుటివారికే ఎక్కువ ఆసక్తి ఉంటుంది. నిజానికి వయసు పెరగడం అనేది రోజువారీ జరిగే ఒక సహజమైన ప్రక్రియ. నిన్న 20 ఏళ్ల వయసులో నిద్రపోయి, ఈరోజు ఉదయాన్నే 45 ఏళ్ల వ్యక్తిలా ఎవరూ నిద్రలేవరు కదా? ఇది రాత్రికి రాత్రే జరిగే అద్భుతం కాదు’ అని పేర్కొన్నారు. వయసుతో పాటు వచ్చే మార్పులను అంగీకరించడంలోనే అసలైన అందం ఉందని ఆమె అభిప్రాయపడ్డారు.
ఇక సినిమాలు తిరస్కరించడం (రిజెక్షన్) గురించి మాట్లాడుతూ తన నిజాయితీని చాటుకున్నారు.. ‘చాలామంది నాకు ఒక సలహా ఇచ్చేవారు.. కథ నచ్చకపోతే డేట్స్ ఖాళీ లేవని అబద్ధం చెప్పి తప్పుకోమని అనేవారు. కానీ, నాకు అబద్ధాలు చెప్పడం రాదు. కథ నచ్చకపోతే మొహం మీదే ‘నాకు నచ్చలేదు’ అని చెప్పేస్తాను. అదే నా పద్ధతి’ అని టబు స్పష్టం చేశారు. కెరీర్ ఆరంభం నుండి ఆమె పాటిస్తున్న ఈ ముక్కుసూటితనమే తనను ఇండస్ట్రీలో గౌరవప్రదమైన స్థానంలో నిలబెట్టిందని అభిమానులు భావిస్తున్నారు.