Suriya 50: ‘కరుప్పు’ హిట్ జోష్‌లో సూర్య.. 50వ సినిమాకు భారీ ప్లాన్!

కోలీవుడ్ వర్సటైల్ యాక్టర్, సౌత్ ఇండియా స్టార్ హీరో సూర్య (Suriya) ఇటీవల విడుదలైన ‘కరుప్పు’ (Karuppu) చిత్రంతో బాక్సాఫీస్ వద్ద రికార్డుల వేట సాగిస్తూ గ్రాండ్ కమ్‌బ్యాక్ ఇచ్చిన సంగతి తెలిసిందే. లాయర్ ప్రీతిగా నటించిన త్రిషతో కలిసి ఆయన చేసిన ఈ కోర్ట్ రూమ్ యాక్షన్ డ్రామా సూర్య కెరీర్‌లోనే బిగ్గెస్ట్ థియేట్రికల్ హిట్‌గా దూసుకుపోతోంది. ఈ జోష్‌లోనే సూర్య తన కెరీర్‌లో అత్యంత ప్రతిష్టాత్మకమైన 50వ ల్యాండ్‌మార్క్ చిత్రం (Suriya 50) కోసం లైనప్‌ను సెట్ చేసుకున్నారు.

సాధారణంగా ఏ స్టార్ హీరోకైనా తన కెరీర్‌లో 50వ సినిమా అనేది చాలా స్పెషల్. అందుకే సూర్య కూడా తన ల్యాండ్‌మార్క్ ప్రాజెక్ట్ కోసం ఒక పవర్‌ఫుల్ ప్రొడక్షన్ హౌస్‌ను లైన్‌లో పెట్టారు. దళపతి విజయ్ చివరి చిత్రం ‘జన నాయగన్’ (Jana Nayagan) ను నిర్మిస్తూ దేశవ్యాప్తంగా సంచలనం సృష్టిస్తున్న ప్రముఖ నిర్మాణ సంస్థ ‘కేవీఎన్ ప్రొడక్షన్స్’ (KVN Productions) ఈ భారీ ప్రాజెక్ట్‌ను టేకప్ చేయబోతోంది. ‘జన నాయగన్’ లాంటి ప్రెస్టీజియస్ ప్రాజెక్ట్ తర్వాత కేవీఎన్ ప్రొడక్షన్స్ వారు సూర్యను సంప్రదించగా, ఆయన కథా చర్చల అనంతరం గ్రీన్ సిగ్నల్ ఇచ్చారట. ఈ సినిమాను పాన్-ఇండియా స్థాయిలో కళ్లు చెదిరే భారీ బడ్జెట్‌తో విజువల్ వండర్‌గా ప్లాన్ చేస్తున్నారు. ఈ ల్యాండ్‌మార్క్ మూవీని హ్యాండిల్ చేయడానికి టాలీవుడ్ లేదా కోలీవుడ్‌కు చెందిన ఒక టాప్ స్టార్ డైరెక్టర్‌ను రంగంలోకి దించాలని మేకర్స్ చూస్తున్నారు. ప్రస్తుతం సూర్య బాడీ లాంగ్వేజ్‌కు సూట్ అయ్యేలా ఒక స్టార్ దర్శకుడితో స్క్రిప్ట్ చర్చలు జరుగుతున్నాయి. దర్శకుడు ఫైనల్ అయిన వెంటనే దీనిపై ఒక అఫీషియల్ అనౌన్స్‌మెంట్ రానుంది.