స్టైలిష్ స్టార్ ఆలు అర్జున్ హీరోగా జీనియస్డైరెక్టర్ సుకుమార్ దర్శకత్వంలో వచ్చిన చిత్రం పుష్ప ఎంతటి సంచలనాలు నమోదు చేసిందో తెలిసిందే. ఆ చిత్రానికి కొనసాగింపుగా రానున్న చిత్రం పుష్ప-2. దాదాపు మూడేళ్ళుగా షూటింగ్ దశలో ఉన్నఈ చిత్రాన్ని మొదట ఆగస్టు 15న విడుదల చేయనున్నట్టు ప్రకటించారు మేకర్స్. షూటింగ్ పెండింగ్ ఉండడంతో డిసెంబర్ 6న రిలీజ్ చేస్తున్నట్టు మరొక డేట్ ప్రకటించారు మైత్రీ మూవీస్. పుష్ప రాకతో డిసెంబరులో రావాల్సిన సినిమాలు పరిస్థితీ అయోమయంలో పడింది.
టాలీవుడ్ సర్కిల్స్ వినిపిస్తున్న న్యూస్ ప్రకారం పుష్ప -2 డిసెంబరు 6న విడుదల అవడం లేదని తెలుస్తోంది. ఇప్పటికీ సగం షూటింగ్ పెండింగ్ ఉందని తెలుస్తోంది.బన్నీ, ఫహద్ పై చిత్రీకరించాల్సిన సన్నివేశాలు చాలా వరకు పెండింగ్ లో ఉన్నట్టు సమాచారం. ఎడిటింగ్, డబ్బింగ్ పనిపనులను కనీసం మొదలు పెట్టలేదని టాక్. ఇటీవల బన్నీ దర్శకుడు సుకుమార్ లాంగ్ షెడ్యుల్ క్యాన్సిల్ చేసి విహార యాత్రలకు వెళ్లడం కూడా జరిగిపోయింది. ఇప్పటికిప్పుడు షూటింగ్ స్టార్ట్ చేసినా కూడా డిసెంబర్ నాటికి విడుదల కష్టమేనని ఈ నేపథ్యంలో 2025 వేసవికి రిలీజ్ చేసేలా మేకర్స్ ఆలోచిస్తున్నట్టు సినీ సర్కిల్స్ లో వార్తలు హల్ చల్ చేస్తున్నాయి
పుష్ప -2 వస్తే వెనక్కు వెళ్లాలనుకున్న సినిమాలు యధావిధిగా వచ్చే అవకాశం ఉంది. ముఖ్యంగా నితిన్ తాజా చిత్రం ‘రాబిన్ హుడ్’ అదే డేట్ కు రావచ్చు. ఇక గీతాఆర్ట్స్ లో తెరకెక్కుతున్న భారీ బడ్జెట్ మూవీ ‘తండేల్’ నాగ చైతన్య హీరోగా వస్తోన్న ఈ చిత్రం పుష్ప రాకతో ఫిబ్రవరికి వెళ్లే ఆలోచన చేసారు. మంచు విష్ణు నటించిన కన్నప్ప కూడా డిసెంబర్ 6న వచ్చేలా ప్లాన్ చేస్తున్నారు. పుష్ప -2 విడుదల వాయిదా ఫై అధికారక ప్రకటన త్వరలోనే రానుంది.
Also Read: Nizam : మరొక ఇంట్రెస్టింగ్ చిత్రాన్ని పంపిణీ చేయనున్న మైత్రీ మూవీస్