Vishnu Vinyasam: విష్ణు విన్యాసం చేయనున్న శ్రీవిష్ణు

శ్రీ విష్ణు కొత్త చిత్రం టైటిల్‌ను తాజాగా ప్రకటించారు. కొత్త దర్శకుడు యదునాథ్ మారుతీ రావు దర్శకత్వంలో, శ్రీ సుబ్రహ్మణ్యేశ్వర సినిమాస్ (ఎస్‌ఎస్‌సి) బ్యానర్‌పై ప్రొడక్షన్ నంబర్ 3గా రూపొందుతున్న ఈ చిత్రానికి ‘విష్ణు విన్యాసం’ అనే టైటిల్‌ను ఖరారు చేశారు. చిత్ర బృందం విడుదల చేసిన స్టైలిష్ యానిమేటెడ్ గ్లింప్స్ ద్వారా ఈ టైటిల్‌ను రివీల్ చేశారు. ఈ వీడియో సినిమా నేపథ్యాన్ని ఆసక్తికరంగా పరిచయం చేస్తూ ప్రేక్షకుల్లో ఉత్సుకత పెంచింది. అర్బన్ సెటప్‌లో సాగిన ఈ యానిమేటెడ్ ఫుటేజ్‌లో, కస్టమ్ పసుపు రంగు మోటార్‌సైకిల్‌పై నగర వీధుల్లో దూసుకుపోతున్న శ్రీ విష్ణు ఫస్ట్ ఫ్రేమ్ నుంచే ఆకట్టుకున్నాడు.

Also Read:Funky : ముందుకొచ్చిన ‘ఫంకీ’.. రిలీజ్ ఎప్పుడంటే?

‘విష్ణు విన్యాసం’ అనే టైటిల్ హీరో శ్రీ విష్ణు విచిత్రమైన, ఆహ్లాదకరమైన తెరపై పాత్రకు అద్దం పట్టేలా ఉంది. ఆయన ట్రేడ్‌మార్క్ హ్యూమర్‌ను హైలైట్ చేస్తూ, టైటిల్ రివీల్‌కు “No Brakes – Just Laughs” (బ్రేకులు లేవు – కేవలం నవ్వులే) అనే క్యాచీ ట్యాగ్‌లైన్‌ను జతచేయడం మరింత ఆకర్షణీయంగా ఉంది. “చరిత్ర, సంఖ్యాశాస్త్రం, జ్యోతిష్యం అన్నీ అతని కోసమే కనుగొనబడ్డాయి” అంటూ వినిపించిన ప్లేఫుల్ వాయిస్‌ఓవర్‌ సినిమాపై మరింత క్యూరియాసిటీని పెంచుతోంది. రధన్ అందించిన బ్యాక్‌గ్రౌండ్ స్కోర్ ఈ మొత్తం టైటిల్ వీడియోకి హాస్యాన్ని మరింత పెంచింది.

Also Read:Annagaru Vostaru : కార్తీ సినిమాకి కొత్త టెన్షన్?

శ్రీ సుబ్రహ్మణ్యేశ్వర సినిమాస్ బ్యానర్‌పై సుమంత్ నాయుడు జి ఈ చిత్రాన్ని నిర్మిస్తున్నారు. హేమ & షాలిని సమర్పకులుగా వ్యవహరిస్తున్నారు, సాయి కృష్ణ బొబ్బా, రామాచారి ఎం సహ నిర్మాతలు. ఈ యూనిక్ ఎంటర్‌టైనర్‌లో నయన సారిక కథానాయికగా నటిస్తున్నారు. ఈ చిత్రంలో నవ్వులు పండించడానికి భారీ తారాగణం ఉంది. సత్య, బ్రహ్మాజీ, ప్రవీణ్, మురళీ శర్మ, శ్రీకాంత్ అయ్యంగార్, సత్యం రాజేష్, శ్రీనివాస్ వడ్లమాని, గోపరాజు రమణ వంటి ప్రముఖ నటులు కీలక పాత్రల్లో కనిపించనున్నారు.