Sharvari Wagh: షూటింగ్‌లో అలియాను చూసి ఎన్నో నేర్చుకున్నా: శార్వరీ

బాలీవుడ్ యంగ్ అండ్ టాలెంటెడ్ బ్యూటీ శార్వరీ వాఘ్ (Sharvari Wagh) త్వరలోనే ‘మై వాపస్ ఆవుంగా’ అనే క్రేజీ సినిమాతో ప్రేక్షకుల ముందుకు రావడానికి సిద్ధమవుతోంది. ఇదిలా ఉంటే, ప్రస్తుతం ఆమె కెరీర్‌లోనే అత్యంత ప్రతిష్టాత్మకమైన ప్రాజెక్ట్ అయిన ‘ఆల్ఫా’ (Alpha) లో నటిస్తోంది. బాలీవుడ్ స్టార్ హీరోయిన్ అలియా భట్ (Alia Bhatt), శార్వరీ వాఘ్ ప్రధాన పాత్రల్లో నటిస్తున్న ఈ భారీ యాక్షన్ ఎంటర్‌టైనర్‌ను యష్ రాజ్ ఫిల్మ్స్ (YRF) స్పై యూనివర్స్‌లో భాగంగా దర్శకుడు శివ్ రావెల్ తెరకెక్కిస్తున్నారు. అయితే తాజాగా ఒక ఇంటర్వ్యూలో పాల్గొన్న శార్వరీ.. ఈ సినిమా షూటింగ్ విశేషాలతో పాటు అలియా భట్‌తో తనకున్న ప్రత్యేకమైన అనుబంధాన్ని పంచుకుంది.

అలియా భట్‌తో గడిపిన క్షణాలను గుర్తుచేసుకుంటూ శార్వరీ ఇంటర్వ్యూలో ఇలా మాట్లాడింది.. ‘ ‘ఆల్ఫా’ చిత్రం వర్క్‌షాప్స్ ప్రారంభమైనప్పుడే నాకు అలియా భట్‌తో మొదటి పరిచయం ఏర్పడింది. ఈ సినిమా ప్రిపరేషన్స్ దగ్గరి నుండి షూటింగ్ వరకు మేమిద్దరం కలిసి చాలా ప్రయాణించాం. ఒక్క మాటలో చెప్పాలంటే, అలియాలో నాకు ఒక మంచి స్నేహితురాలు (Best Friend) దొరికింది. నిజానికి నేను ఎప్పటి నుంచో అలియాకు పెద్ద అభిమానిని. కానీ, భవిష్యత్తులో ఏదైనా సహాయం కావాలంటే నేరుగా ఆమెకు ఫోన్ చేసి అడిగేంత క్లోజ్ అవుతానని నేనెప్పుడూ ఊహించలేదు. ఆమె తన చుట్టూ ఉన్న వారందరినీ ఎంతో ఆప్యాయంగా పలకరస్తుంది. షూటింగ్ సెట్‌లో ఆమె నటనను అంత దగ్గర నుండి చూడటం, ఆమె పని విధానాన్ని గమనించడం, నాకు వచ్చే సందేహాలను అడిగి తెలుసుకోవడం ఒక వండర్‌ఫుల్ ఎక్స్‌పీరియన్స్. నటిగా అలియా అంటే నాకు ఎప్పుడూ ఇష్టమే, కానీ ఈ సినిమా జర్నీ తర్వాత ఆమెపై నాకున్న గౌరవం, అభిమానం రెట్టింపయ్యాయి’ అని తెలిపింది. ప్రజంట్ శార్వరీ వాఘ్ మాటలు వైరల్ అవుతున్నాయి.