Maa Inti Bangaram: 100 కోట్ల క్లబ్‌లో ‘మా ఇంటి బంగారం’.. తెలుగు సినీ చరిత్రలో సమంత రేర్ ఫీట్..

Maa Inti Bangaram: టాలీవుడ్ స్టార్ హీరోయిన్ సమంత ప్రధాన పాత్రలో తెరకెక్కిన ‘మా ఇంటి బంగారం’ సినిమా బాక్సాఫీస్ వద్ద సంచలన విజయాన్ని నమోదు చేస్తూ తెలుగు సినీ చరిత్రలో కొత్త అధ్యాయాన్ని లిఖించింది. ప్రపంచవ్యాప్తంగా ఈ చిత్రం రూ.100 కోట్లకు పైగా గ్రాస్ వసూళ్లు సాధించి అరుదైన ఘనతను సొంతం చేసుకున్నట్లు చిత్ర బృందం పోస్టర్ రిలీజ్ చేసింది. ముఖ్యంగా లేడీ ఓరియెంటెడ్ స్టోరీతో తెరకెక్కిన తెలుగు చిత్రాల్లో ప్రపంచవ్యాప్తంగా రూ.100 కోట్ల గ్రాస్ మార్క్‌ను అందుకున్న తొలి సినిమాగా ‘మా ఇంటి బంగారం’ నిలిచినట్లు సినీ వర్గాలు పేర్కొంటున్నాయి.

విడుదలైన తొలి రోజు నుంచే ప్రేక్షకుల నుంచి మంచి స్పందన అందుకున్న ఈ చిత్రం బాక్సాఫీస్ వద్ద మంచి వసూళ్లతో దూసుకెళ్లింది. కథ, సమంత నటన, భావోద్వేగ సన్నివేశాలు, డైరెక్టర్ నందిని రెడ్డి టేకింగ్ ప్రేక్షకులను ఆకట్టుకోవడంతో సినిమా అన్ని వర్గాల ప్రేక్షకుల ఆదరణ పొందింది. ఈ విజయంతో సమంత కెరీర్‌లో మరో మైలురాయి చేరినట్లయిందని ట్రేడ్ వర్గాలు చెబుతున్నాయి. ఈ సందర్భంగా సోషల్ మీడియాలో చిత్రబృందంపై ప్రశంసల వర్షం కురుస్తోంది. సమంతతో పాటు దర్శకుడు, నిర్మాత రాజ్, ఈ చిత్ర దర్శకురాలు నందిని రెడ్డి, మొత్తం చిత్రబృందానికి అభిమానులు, సినీ ప్రముఖులు శుభాకాంక్షలు తెలియజేస్తున్నారు. తెలుగు చిత్ర పరిశ్రమలో లేడీ ఓరియెంటెడ్ సినిమాలకు మంచి సక్సెస్ సాధించే సామర్థ్యం ఉందని ‘మా ఇంటి బంగారం’ మరోసారి నిరూపించిందని పలువురు సోషల మీడియా వేదికగా కామెంట్స్ చేస్తున్నారు.