బాలీవుడ్ ‘సుల్తాన్’, మోస్ట్ ఎలిజిబుల్ బ్యాచిలర్ సల్మాన్ ఖాన్ (Salman Khan) తాను ఒంటరిగా ఉన్నానంటూ సోషల్ మీడియాలో షేర్ చేసిన ఒక షర్ట్లెస్ ఫొటో, దానికి పెట్టిన క్యాప్షన్ దేశవ్యాప్తంగా ఎంతటి సంచలనం సృష్టించిందో తెలిసిందే. సల్లూ భాయ్ మానసిక ఒత్తిడిలో ఉన్నారేమోనని ఆయన అభిమానులు తీవ్ర ఆందోళన చెందారు. అయితే, ఈ వివాదం కాస్త ముదిరి తన స్వంత ఇల్లు గెలాక్సీ అపార్ట్మెంట్ వరకు చేరడంతో.. తాజాగా సల్మాన్ ఖాన్ ఆ వైరల్ పోస్ట్పై స్పందిస్తూ అసలు నిజం ఏంటో క్లారిటీ ఇచ్చారు.
‘నేను నా వ్యక్తిగత జీవితం గురించి ఆ పోస్ట్లో మాట్లాడలేదు. అయినా.. ఇంత పెద్ద కుటుంబం, కోట్లాది మంది స్నేహితులు, అభిమానులు ఉన్నప్పుడు నేను ఎలా ఒంటరివాడిని అవుతాను? మీ అందరి ప్రేమాభిమానాలు ఎల్లప్పుడూ నాకు తోడుగా ఉంటే నేను ఒక్కడినే అనే భావన నాలో ఎందుకు వస్తుంది. మీరంతా నాతో ఉంటున్నా.. నేను ఒంటరిగా ఉన్నానని అనుకుంటే నేను కృతజ్ఞత లేనివాడిని అవుతాను. షూటింగ్స్ నుండి నా కోసం కొంచెం సమయం కేటాయించుకోవాలనిపించిందంతే. దాన్ని మీరంతా హైలైట్ చేసి హెడ్లైన్స్గా మార్చేశారు. కనీసం నా ఫొటో కూడా సరిగ్గా చూడకుండా బ్రేకింగ్ న్యూస్ చేసేశారు. ఆ వార్తలు చూసి మా అమ్మ కూడా నన్ను ‘ఏమైంది నాన్న?’ అని కంగారుగా అడుగుతోంది. ప్లీజ్.. రిలాక్స్ అవ్వండి ఫ్రెండ్స్, నాకేం కాలేదు’ అని సల్మాన్ ఇచ్చిన ఈ క్లారిటీతో అటు బాలీవుడ్ మీడియా వర్గాలు, ఇటు మెగా అభిమానులు ఊపిరి పీల్చుకున్నారు. కేవలం తన పర్సనల్ స్పేస్ (Me Time) కోసం పెట్టిన పోస్ట్ను మీడియా ఇంతగా రచ్చ చేయడంపై సల్లూ భాయ్ స్టైల్లోనే కౌంటర్ పడిందని నెటిజన్లు కామెంట్స్ చేస్తున్నారు.