Saif Attack Case: తాను ఎటాక్ చేసింది ‘సైఫ్’ అని నిందితుడికి తెలియదా?

బాలీవుడ్ నటుడు సైఫ్ అలీఖాన్‌పై దాడి చేసిన నిందితుల గురించి ఇప్పుడు కీలక సమాచారం వెలుగులోకి వచ్చింది. దాడి చేసిన వ్యక్తి హౌస్ కీపింగ్ సంస్థలో పనిచేస్తున్నట్లు సమాచారం. సైఫ్ అలీ ఖాన్ ఇంట్లోకి ప్రవేశించి అతనిపై దాడి చేసిన నిందితుడు మహ్మద్ షరీఫుల్ ఇస్లాం షాజాద్ హౌస్ కీపింగ్ సంస్థలో పనిచేశాడు. సైఫ్, హౌస్‌ హెల్పర్ హరి కొన్నిసార్లు హౌస్‌ కీపింగ్ సంస్థ ద్వారా ఇంటిని శుభ్రం చేయడానికి కొంతమందిని పిలిచేవాడు. ఈ సమయంలో నిందితుడు మహ్మద్ షాజాద్ ఒకసారి సైఫ్ ఇంటికి వెళ్లాడు. అక్కడ దొంగతనం చేస్తే డబ్బు దండిగా దొరకచ్చు అనే ఉద్దేశంతో దోపిడీ ప్లాన్ చేసినట్టు తెలుస్తోంది. జనవరి 16వ తేదీ రాత్రి, దాడి చేసిన మహ్మద్ షరీఫుల్ ఇస్లాం షాజాద్ భవనంలోని సెక్యూరిటీ గార్డు నిద్రిస్తుండగా, భవనంలోని 11వ అంతస్తుకు చేరుకున్నాడని సమాచారం. నిందితుడు డక్ట్ షాఫ్ట్‌లోకి ప్రవేశించి, అక్కడి నుంచి సైఫ్, కరీనా ఇంట్లోకి ప్రవేశించాడు. ఆపై నిందితులు డక్ట్ ద్వారా సైఫ్, కరీనా పిల్లల గది దగ్గరకు చేరుకున్నారు. ఇంట్లోకి అడుగుపెట్టిన తర్వాత బాత్‌రూమ్‌లో దాక్కున్నాడు.

Prabhas: ఫస్ట్ టైం అలాంటి పాత్రలో ప్రభాస్!!

అయితే సైఫ్‌ అలీఖాన్‌ ఇంట్లోకి ప్రవేశిస్తున్నట్లు తనకు తెలియదని నిందితుడు షాజాద్‌ పోలీసులకు తెలిపాడు. అకస్మాత్తుగా సైఫ్ అలీ ఖాన్ అతని ముందు కనిపించడంతో భయంతో నటుడిపై కత్తితో చాలాసార్లు దాడి చేశానని అందులో సైఫ్ గాయపడ్డాడని ఒప్పుకున్నట్టు తెలుస్తోంది. ఇక ముంబై పోలీసులు తెలిపిన వివరాల ప్రకారం నిందితుడికి ఎలాంటి నేర చరిత్ర లేదు. మహ్మద్ షరీఫుల్ ఇస్లాం షాజాద్ గురించి మరింత సమాచారాన్ని సేకరిస్తున్న పోలీసులు, అతను బంగ్లాదేశ్ పౌరుడయితే అతను భారతదేశంలో అక్రమంగా ఎలా ప్రవేశించాడో తెలుసుకోవడానికి ప్రయత్నిస్తున్నారు. ఇక పట్టుబడిన తర్వాత, నిందితుడు పోలీసులను తప్పుదారి పట్టిస్తున్నాడు. అతను తన పేరు చెప్పకుండా నాలుగు పేర్లు పోలీసులకు చెప్పాడు. ఆ తర్వాత అతడిని గుర్తించేందుకు ఎలాంటి గుర్తింపు కార్డు లభించలేదు. అటువంటి పరిస్థితిలో, నిందితుడి అసలు పేరు తెలుసుకోవడానికి పోలీసులు చాలా కష్టపడాల్సి వచ్చింది. అయితే నిందితుడి అసలు పేరును ముంబై పోలీసులు గుర్తించారు. నిందితుడి అసలు పేరు మహమ్మద్ షరీఫుల్ ఇస్లాం షాజాద్ అని ముంబై పోలీసులు విలేకరుల సమావేశంలో తెలిపారు.