ఆర్ఆర్ఆర్ : నెక్స్ట్ లెవెల్లో సెకండ్ సింగిల్

ఎస్ఎస్ రాజమౌళి దర్శకత్వంలో రూపొందుతున్న పిరియాడికల్ యాక్షన్ డ్రామా “ఆర్ఆర్ఆర్”.. డివివి ఎంటర్‌టైన్‌మెంట్స్‌ పై డివివి దానయ్య అత్యంత్య ప్రతిష్టాత్మకంగా ఈ చిత్రాన్ని నిర్మిస్తున్నారు. ఇందులో యంగ్ టైగర్ ఎన్టీఆర్, మెగా పవర్ స్టార్ రామ్ చరణ్, బాలీవుడ్ స్టార్ అజయ్ దేవగన్, అలియా భట్, ఒలివియా మోరిస్ ప్రధాన పాత్రల్లో నటిస్తుండగా, సముద్రకని, రే స్టీవెన్సన్, అలిసన్ డూడీ సహాయక పాత్రలు పోషిస్తున్నారు. ప్రస్తుతం ఈ పాన్ ఇండియా మూవీ చిత్రీకరణ చివరి దశలో ఉంది. ఉక్రెయిన్ లో చివరి షెడ్యూల్ జరుగుతోంది. ఇందులో ప్రధాన తారాగణంపై స్పెషల్ గా ఓ భారీ సాంగ్ ఉండబోతోంది అని ముందుగానే మేకర్స్ ప్రకటించిన విషయం తెలిసిందే. ఆ సాంగ్ నే మేకర్స్ ఉక్రెయిన్ లో చిత్రీకరిస్తున్నారు.

Read Also : ఆల్ టైం రికార్డు క్రియేట్ చేసిన “సర్కారు వారి పాట”

సినిమాలోని మొదటి సాంగ్ “దోస్తీ”ని ఆగష్టు 1న ఫ్రెండ్షిప్ డే సందర్భంగా మేకర్స్ విడుదల చేసిన విషయం తెలిసిందే. ఆ సాంగ్ పర్వాలేదనిపించింది. దీంతో ఇప్పుడు అందరి దృష్టి “ఆర్ఆర్ఆర్” సెకండ్ సింగిల్ పై పడింది. ఉక్రెయిన్ లో ఈ సాంగ్ కోసం భారీ సెట్ ను నిర్మించారట. అందులోనే సాంగ్ ను తెరకెక్కిస్తున్నారు. తాజాగా ఆ సెట్ కు సంబంధించిన పిక్ ఒకటి బయటకు వచ్చింది. ఆ పిక్ చూస్తుంటే బ్రిటిష్ కాలానికి చెందిన సెట్ లా ఉంది. ఆ పిక్ లో పైన గుర్రం, బాణం గుర్తులు ఉండడంతో సాంగ్ కేవలం రామ్ చరణ్ పైనే తీస్తున్నారా ? అనే డౌట్ వస్తోంది. దర్శకుడు రాజమౌళి విజన్ లో ఈ సాంగ్ రూపొందుతున్నట్లు తెలుస్తోంది. ఏదేమైనా సెకండ్ సింగిల్ అయినా రికార్డులు సృష్టిస్తుందేమో చూడాలి. మరోవైపు ఎన్టీఆర్ “ఆర్ఆర్ఆర్” ప్రమోషన్ కార్యక్రమాలను షురూ చేసిన విషయం తెలిసిందే.