రామ్ కూడా మొదలు పెట్టేశాడు !
ఎనర్జిటిక్ స్టార్ రామ్ పోతినేని, తమిళ దర్శకుడు లింగుసామి కాంబినేషన్ లో ఓ బహు భాషా చిత్రం రూపొందనున్న విషయం తెలిసిందే. తెలుగు, తమిళ భాషల్లో రూపొందనున్న ఈ సినిమాలో రామ్ సరసన ‘ఉప్పెన’ బ్యూటీ కృతి శెట్టి హీరోయిన్ గా నటిస్తోంది. ఎస్ఎస్ స్క్రీన్స్ బ్యానర్పై శ్రీనివాస చిట్టూరి ఈ సినిమాని నిర్మిస్తున్నారు. త్వరలోనే ఈ చిత్రం షూటింగ్ ప్రారంభం కానుంది. ఈ సినిమాకు రాక్ స్టార్ దేవిశ్రీ ప్రసాద్ సంగీతం అందించబోతున్నారు. ఈ సినిమా షూటింగ్ ప్రారంభమైందని మేకర్స్ ప్రకటించారు. హైదరాబాద్ లో నేటి నుంచి “రాపో19” షూటింగ్ జరుపుకోనుంది.
Read Also : రజినీకాంత్ షాకింగ్ నిర్ణయం… ఇకపై నో పాలిటిక్స్… !
ఈ సినిమా ద్వారా రామ్ కోలీవుడ్ ఎంట్రీ ఇస్తున్నాడు. లింగుస్వామికి తెలుగులో ఇదే తొలి చిత్రం. గతంలో ఆయన దర్శకత్వంలో వచ్చిన విశాల్ ‘పందెంకోడి’ తెలుగులో కూడా విడుదలై మంచి ప్రేక్షకాదరణను సొంతం చేసుకుంది. కాగా “ఇస్మార్ట్ శంకర్”తో భారీ విజయాన్ని అందుకున్న రామ్, ఆ తరువాత “రెడ్” మూవీతో డిజాస్టర్ ను చవి చూశాడు. మరి ఈ చిత్రం రామ్ కు ఎలాంటి ఫలితాన్ని ఇస్తుందో చూడాలి.