Ram Pothineni: ‘రామ్ 23’ కోసం శ్రీనిధితో చర్చలు..!

సాధారణంగా లవ్, యాక్షన్ ఎంటర్‌టైనర్లతో అలరించే రామ్.. మొదటిసారి తనే స్వయంగా ఒక అద్భుతమైన కథను సిద్ధం చేసుకుని దర్శకుడిగా మారుతున్నారు. ఈ చిత్రం పక్కా సైకలాజికల్ యాక్షన్ థ్రిల్లర్ (Psychological Action Thriller) బ్యాక్‌డ్రాప్‌లో తెరకెక్కనుంది. జూన్ 2026 నుండి ఈ సినిమా రెగ్యులర్ షూటింగ్ ప్రారంభం కానుండగా.. ఇందులో రామ్‌కు జోడీగా నటించే హీరోయిన్ విషయంలో ఒక ఇంట్రెస్టింగ్ అప్‌డేట్ ఫిలిం నగర్ సర్కిల్స్‌లో వైరల్ అవుతోంది.

ఈ సైకలాజికల్ థ్రిల్లర్‌లో హీరోయిన్ పాత్రకు చాలా ఇంపార్టెన్స్ ఉండటంతో ‘కేజీఎఫ్’ చాప్టర్ 1 & 2 చిత్రాలతో దేశవ్యాప్తంగా క్రేజ్ తెచ్చుకున్న కన్నడ బ్యూటీ శ్రీనిధి శెట్టి (Srinidhi Shetty) ని హీరోయిన్‌గా పరిశీలిస్తున్నట్లు తెలుస్తోంది. ఇప్పటికే చిత్ర యూనిట్ శ్రీనిధి శెట్టికి కథను వివరించగా, వైవిధ్యమైన ఈ స్క్రిప్ట్ ఆమెకు బాగా నచ్చిందని సమాచారం. ప్రస్తుతం రెమ్యునరేషన్.. డేట్స్ గురించిన చర్చలు జరుగుతుండగా.. త్వరలోనే ఆమె సైన్ చేయనుందని, మేకర్స్ దీనిపై అఫీషియల్ అనౌన్స్‌మెంట్ ఇవ్వనున్నారని టాక్. ఈ సినిమాలో రామ్ పోతినేని ‘వీరా’ (Veera) అనే ఎంతో పవర్‌ఫుల్ కాంప్లెక్స్ షేడ్స్ ఉన్న క్యారెక్టర్‌లో కనిపించనున్నారు. హీరోగా తనే నటిస్తూ, డైరెక్షన్ చేయడం అనేది రామ్ కెరీర్‌లోనే అతిపెద్ద ఛాలెంజ్ అని చెప్పవచ్చు.