Ram NRI: జూలై 26న అలీ రెజా ‘రామ్‌ ఎన్‌ఆర్‌ఐ’.. ట్రైలర్‌ వచ్చేసింది!

Ali Reza Ram NRI Releasing on July 26: బిగ్‌బాస్‌ ఫేమ్‌ అలీ రెజా హీరోగా, సీతా నారాయణన్‌ కథానాయికగా నటించిన చిత్రం ‘రామ్‌ ఎన్‌ఆర్‌ఐ’. ‘పవర్‌ ఆఫ్‌ రిలేషన్ షిప్‌’ అనే టాగ్ లైన్ తో ఈ సినిమాను ఎన్.లక్ష్మీ నందా డైరెక్ట్ చేశారు. మువ్వా క్రియేషన్స్‌ పతాకంపై మువ్వా సత్యనారాయణ ఈ చిత్రాన్ని నిర్మించారు. ఈ మూవీని జూలై 26న విడుదల చేయబోతున్న క్రమంలో మూవీ ప్రీ రిలీజ్ ఈవెంట్‌ను ఆదివారం నిర్వహించారు. ఈ కార్యక్రమంలో ట్రైలర్‌ను కూడా రిలీజ్ చేశారు. డైరెక్టర్ ఎన్.లక్ష్మీ నందా మాట్లాడుతూ సినిమా చాలా బాగా వచ్చింది. అందరూ చూసి ఆదరించండని అన్నారు. నిర్మాత రామసత్యనారాయణ మాట్లాడుతూ.. ‘ఇది గోదారోళ్ల సినిమా, తూ.గో, ప.గో జిల్లాల వ్యక్తులంతా కలిసి చేశారు.

Raj Tarun- Lavanya: రాజ్ తరుణ్ నా ఫ్రెండ్.. ఆవేశంతో ఊగిపోయిన RJ శేఖర్ భాషా

గోదారోళ్లకు ఎంత వెటకారం ఉంటుందో, ప్రేమ కూడా అంతే ఉంటుందని, ఈ సినిమాలో గోదారి అందాలను మరింత అందంగా చూపించారని అన్నారు. నటుడు రవి వర్మ మాట్లాడుతూ.. ‘డైరెక్టర్ ఈ కథ చెప్పినప్పుడు ఎంతో రిలేట్ అయ్యా, పుట్టిన ఊరుకి ఏం చేశామని ఎంతో మంది అనుకుంటారు. అలాంటి పాయింట్‌ను తీసుకుని కథ చేయడం గొప్ప విషయం. ఈ కథ ఏ ఒక్కరికీ నచ్చినా ఎంతో కొంత మార్పు వస్తుంది కదా అనిపించింది. ఇలాంటి మంచి చిత్రంలో కచ్చితంగా నటించాలని కోరుకున్నా అని అన్నారు. ఇక సినిమా ట్రైలర్ బాగుందని, కొత్త టీం కలిసి చేసిన ప్రయత్నం పెద్ద సక్సెస్ కావాలని, ఇలాంటి కొత్త వాళ్లు ఇండస్ట్రీలోకి ఇంకా రావాలని ఈవెంట్‌కు వచ్చిన ఇతర ముఖ్య అతిథులు, తదితరులు మాట్లాడుతూ సినిమా టీంకు విషెస్ తెలిపారు.