Rakul Preet Singh Back Got Injured Due To 80 kg Deadlift Exercise: నటి రకుల్ ప్రీత్ సింగ్ ఇప్పుడు ‘దే దే ప్యార్ దే 2’ షూటింగ్లో బిజీగా ఉంది. షూటింగ్తో పాటు ఫిట్నెస్పై ప్రత్యేక శ్రద్ధ తీసుకుంటోంది రకుల్. అయితే వర్కవుట్ చేస్తున్న సమయంలో రకుల్ప్రీత్ గాయపడింది. ఆమెకు తీవ్ర గాయాలయ్యాయని తెలుస్తోంది. రకుల్ వీపు భాగంలో గాయమైందని, జిమ్లో వర్కవుట్ సెషన్లో డెడ్లిఫ్ట్లో 80 కిలోల బరువును ఎత్తడం వల్ల వీపుకు గాయమైందని అంటున్నారు. రకుల్ వారం రోజులకు పైగా బెడ్ రెస్ట్లో ఉండాలని, ఆమె ఆరోగ్యం మెరుగుపడుతోందని చెబుతున్నారు. ‘రకుల్ గత కొన్ని రోజులుగా బెడ్ రెస్ట్లో ఉంది. ఆమె పరిస్థితి చాలా ఇబ్బందిగా ఉందని అంటున్నారు.
Actor Darshan Case: దర్శన్ చేతిలో హతమైన రేణుకాస్వామి భార్యకి మగబిడ్డ..
ఇదంతా అక్టోబర్ 5 ఉదయం రకుల్ తన వ్యాయామం చేస్తున్నప్పుడు జరిగినట్టు తెలుస్తోంది. ఆమె బెల్ట్ ధరించకుండా 80 కిలోల డెడ్లిఫ్ట్ చేయగా దాని ఫలితంగా వెన్నునొప్పి వచ్చిందని అంటున్నారు. ఈ క్రమంలో డాక్టర్ విశ్రాంతి తీసుకోవాలని సూచించారు. అయినప్పటికీ, ఆమె వరుసగా రెండు రోజులు ‘దే దే ప్యార్ దే 2’ షూటింగ్ కొనసాగించారని తెలుస్తోంది. 3 రోజులు నొప్పితో బాధపడిన తర్వాత, ఆమె ఫిజియోను కలిశారని అంటున్నారు. అయితే, ప్రతిసారీ నొప్పి 3-4 గంటల తర్వాత తిరిగి వస్తుందని అంటున్నారు. చివరకు పూర్తి బెడ్ రెస్ట్ తీసుకోవాలని డాక్టర్ సూచించారు. ఇప్పుడు ఆమె కోలుకుంటోంది. బెల్ట్ ధరించకుండా 80 కిలోల బరువును ఎత్తడానికి ప్రయత్నిస్తున్నప్పుడు వెన్నెముకలోని ఎల్4, ఎల్5 అలాగే ఎస్1 సమీపంలోని నరాలపై చాలా ఒత్తిడి పడిందని అంటున్నారు.