ఎస్ఎస్ రాజమౌళి తన సినిమాలు విషయంలో ఎంత కేర్ తీసుకుంటాడో ప్రత్యేకంగా చెప్పాల్సిన అవసరం లేదు. ప్రమోషన్స్ విషయంలో కూడా ఎన్నో జాగ్రత్తలు తీసుకునే ఆయన మహేష్ బాబుతో చేయబోతున్న సినిమా విషయంలో చాలా జాగ్రత్తలు తీసుకుంటున్నట్లుగా తెలుస్తోంది. మహేష్ బాబు కెరీర్లో 29వ సినిమాగా తెరకెక్కబోతున్న ఈ సినిమా మంచి ఎలాంటి సమాచారం బయటకు లీక్ కాకుండా ఎన్నో జాగ్రత్తలు తీసుకుంటున్నట్లుగా తెలుస్తోంది. అందులో భాగంగానే తన కోర్ టీం మొత్తం అందరి చేత నాన్ డిస్క్లోజర్ అగ్రిమెంట్ అంటే సినిమా గురించి ఎలాంటి వివరాలు బయటకు లీక్ చేయము అంటూ అగ్రిమెంట్లు చేయించుకుంటున్నారు. ఒక వేళ అగ్రిమెంట్ మీరి ఏదైనా సమాచారం లీక్ చేస్తే కనుక వారు భారీగా నష్టపరిహారం చెల్లించే విధంగా అగ్రిమెంట్లు రాస్తున్నారని తెలుస్తోంది.
Kissik Song: కిస్సిక్ సాంగ్ కి ఒక్కరోజే ప్రాక్టీస్.. వాళ్ళు ప్రొఫెషనల్స్ అబ్బా!
మరోపక్క షూటింగ్ సమయంలో కూడా లీడ్ యాక్టర్ మొదలు ఎలాంటి యాక్టర్ అయినా సెల్ఫోన్ వదిలేసిన తర్వాతే సెట్లోకి ఎంట్రీ ఇచ్చేలా ప్లాన్ చేస్తున్నట్లు తెలుస్తోంది. తద్వారా షూటింగ్ సెట్స్ ఫోటోలు సైతం బయటికి వెళ్లకుండా ఆయన జాగ్రత్తలు తీసుకుంటున్నట్లుగా ప్రచారం జరుగుతోంది. ఇప్పటికే ఆయన పాస్పోర్ట్ తీసుకుని ఒక వీడియో రిలీజ్ చేశారు. ప్రస్తుతానికి షూటింగ్ కూడా మొదలైపోయింది అని తెలుస్తోంది. ఎవరూ ఊహించని విధంగా ఊహించని ప్రాంతంలో సీక్రెట్ గా సినిమా షూటింగ్ నిర్వహిస్తున్నట్లుగా ప్రచారం జరుగుతోంది. అయితే ఇందులో నిజానిజాలు ఎంతవరకు ఉన్నాయి అనేది మాత్రం తెలియాల్సి ఉంది.
