December Clash : డిసెంబర్ లో బాలయ్య vs ప్రభాస్ టగ్ ఆఫ్ వార్..

టాలీవుడ్ బాక్స్ ఆఫీస్ వద్ద ఈ ఏడాది డిసెంబర్ నెల అత్యంత హాట్ సీజన్ గా మారబోతోంది. ఇద్దరు అగ్ర హీరోలు కేవలం ఒక్క రోజు వ్యవధిలోనే తమ భారీ చిత్రాలతో థియేటర్లలోకి రావడానికి సిద్ధమవుతున్నారు. రెబెల్ స్టార్ ప్రభాస్, గాడ్ ఆఫ్ మాసెస్ నందమూరి బాలకృష్ణల మధ్య బాక్స్ ఆఫీస్ వార్ జరగబోతున్నట్టుగా తెలుస్తోంది

ప్రభాస్ హీరోగా నటిస్తున్న హైలీ యాంటిసిపేటెడ్ మూవీ ‘ఫౌజీ’ డిసెంబర్ 3న ప్రపంచవ్యాప్తంగా గ్రాండ్ గా విడుదల కానుందనే టాక్ నడుస్తోంది. హను రాఘవపూడి దర్శకత్వంలో తెరకెక్కుతున్న ఈ పీరియాడిక్ యాక్షన్ డ్రామా పై అంచనాలు ఆకాశాన్ని తాకుతున్నాయి. ప్రభాస్ ఆర్మీ ఆఫీసర్ గా కనిపించబోయే ఈ చిత్రం భారీ స్థాయిలో రూపొందుతోంది.ఇక ప్రభాస్ సినిమా వచ్చిన మరుసటి రోజే నటసింహం నందమూరి బాలకృష్ణ తన మాస్ పవర్ ను చూపించడానికి థియేటర్ లోకి వచ్చేందుకు రెడీ అవుతున్నాడు. సక్సెస్ఫుల్ డైరెక్టర్ గోపీచంద్ మలినేని దర్శకత్వంలో వస్తున్న భారీ యాక్షన్ ఎంటర్టైనర్ ‘NBK111’ ని డిసెంబర్ 4న రిలీజ్ చేయడానికి మేకర్స్ ప్లాన్ చేస్తున్నట్టుగా వార్తలు వైరల్ అవుతున్నాయి. ‘వీరసింహారెడ్డి’ లాంటి బ్లాక్బస్టర్ తర్వాత వస్తున్న కాంబో కావడంతో ఈ సినిమాతో థియేటర్లలో మాస్ జాతర ఖాయంగా కనిపిస్తోంది. ప్రస్తుతానికి ఇది రూమర్ మాత్రమే అయినప్పటికీ రెండు చిత్రాలు కూడా భారీ బడ్జెట్, హై యాక్షన్ కంటెంట్ తో వస్తుండటంతో థియేటర్ల కేటాయింపు మరియు వసూళ్ల పరంగా గట్టి పోటీ నెలకొననుంది. మరి మేకర్స్ ఈ క్లాష్ ను ఎలా ప్లాన్ చేస్తారో చూడాలి