Suriya-46 : సూర్య కోసం వెంకీ ‘యూనివర్సల్’ స్కెచ్.. అందరికీ అర్థమయ్యేలా స్పెషల్ టైటిల్!

సాధారణంగా తమిళ సినిమాల టైటిల్స్ ఇతర భాషల వారికి అర్థం కావడం కొంచెం కష్టంగా ఉంటుంది. కానీ, దర్శకుడు వెంకీ అట్లూరి తన గత చిత్రాలైన ‘సార్’, ‘లక్కీ భాస్కర్’ల తరహాలోనే ఈ సినిమాకు కూడా అన్ని భాషల ప్రేక్షకులకు సులభంగా కనెక్ట్ అయ్యే పేరును వెతుకుతున్నారు. ఈ క్రమంలో ‘విశ్వనాధం అండ్ సన్స్’ అనే టైటిల్‌ను మేకర్స్ దాదాపు ఖరారు చేసినట్లు తెలుస్తోంది.

Also Read : Ranveer : రణవీర్ సింగ్ సౌత్ ఎంట్రీ.. బోయపాటి, శంకర్‌లతో భారీ సినిమాలు నిజమేనా?

ఈ టైటిల్ వల్ల ఉన్న పెద్ద ప్లస్ ఏంటంటే.. తెలుగులో ‘విశ్వనాధం అండ్ సన్స్’ అని, తమిళంలో ‘విశ్వనాధన్ అండ్ సన్స్’ అని, కన్నడలో ‘విశ్వనాధ అండ్ సన్స్’ అని చిన్న మార్పులతో పిలుచుకోవచ్చు. దీనివల్ల అన్ని భాషల ప్రేక్షకులకు ఒకే రకమైన ఫీల్ కలుగుతుంది. సితార ఎంటర్‌టైన్‌మెంట్స్ పతాకంపై నాగవంశీ నిర్మిస్తున్న ఈ భారీ బడ్జెట్ చిత్రాన్ని 2027 జూలైలో విడుదల చేసేందుకు చిత్ర యూనిట్ ప్లాన్ చేస్తోంది. సూర్య మార్క్ నటనకు, వెంకీ అట్లూరి మార్క్ ఎమోషన్స్ తోడైతే బాక్సాఫీస్ వద్ద మరో మ్యాజిక్ ఖాయమని ఫ్యాన్స్ ఆశిస్తున్నారు. మరిన్ని వివరాలు తెలియాల్సి ఉంది.