OG 2: పవన్ కల్యాణ్ ఫ్యాన్స్‌కు పూనకాలే.. స్టార్ట్ అయిన ‘OG 2’ స్క్రిప్ట్ డిస్కషన్స్!

OG 2: టాలీవుడ్ పవర్‌స్టార్, ఆంధ్రప్రదేశ్ డిప్యూటీ సీఎం పవన్ కల్యాణ్ అభిమానులు ఎప్పుడెప్పుడా అని ఎదురుచూస్తున్న మోస్ట్ అవేటెడ్ గ్యాంగ్‌స్టర్ డ్రామా ‘OG ’ (Original Gangster) సీక్వెల్‌పై అఫీషియల్ అనౌన్స్‌మెంట్ వచ్చేసింది. పవన్ కల్యాణ్ గతంలోనే ప్రామిస్ చేసినట్లుగా.. ‘OG యునివర్స్’ (#OGUniverse) విస్తరణకు సంబంధించిన చర్చలు అధికారికంగా స్టార్ట్ అయ్యాయి. ఈ విషయాన్ని మేకర్స్ సోషల్ మీడియా వేదికగా పంచుకోవడంతో నెట్టింట #OG2 హాష్ ట్యాగ్ విపరీతంగా ట్రెండ్ అవుతోంది. ఈ క్రేజీ డిస్కషన్స్‌లో డైరెక్టర్ సుజీత్‌ – హీరో పవన్ కల్యాణ్‌తో పాటు చిత్ర సంగీత దర్శకుడు తమన్ కూడా భాగమయ్యారు. సినిమాకు సంబంధించిన కీలకమైన సీన్లు, బ్యాక్‌గ్రౌండ్ స్కోర్, సీక్వెల్ లేదా ప్రిక్వెల్ లైన్లపై టీమ్ సుదీర్ఘంగా చర్చిస్తున్నట్లు సమాచారం.

‘OG’ షూటింగ్ పవన్ కల్యాణ్ పొలిటికల్ కమిట్‌మెంట్స్ వల్ల కాస్త ఆలస్యమైనప్పటికీ, ‘OG 2’ సినిమా విషయంలో అలాంటి ఇబ్బందులు రాకుండా మేకర్స్ ప్లాన్ చేస్తున్నట్లు సమాచారం. ప్రస్తుతం ఈ స్క్రిప్ట్ డిస్కషన్స్ వార్త సోషల్ మీడియాను షేక్ చేస్తోంది. పవన్ కల్యాణ్ ఇచ్చిన మాట నిలబెట్టుకుంటూ సినిమాను త్వరితగతిన పూర్తి చేసేందుకు, అలాగే ‘OG 2’ ప్రపంచాన్ని మరింత పెద్దదిగా చూపేందుకు సుజీత్ అండ్ టీమ్ రంగంలోకి దిగడంతో మెగా అభిమానుల ఆనందానికి అవధులు లేకుండా పోయాయి. అతి త్వరలోనే ఈ ప్రాజెక్ట్‌కు సంబంధించిన మరిన్ని వివరాలను మేకర్స్ అఫీషియల్‌గా అనౌన్స్ చేయనున్నట్లు సమాచారం.

As promised by @PawanKalyan , #OGUniverse discussions have begun with @Sujeethsign at Creative Works! @MusicThaman#OG2 pic.twitter.com/6l7UzJUpvh

— Pawan Kalyan Creative Works (@PKCWoffl) June 21, 2026