OTT : ఓటీటీ లోనూ బ్లాక్ బస్టర్ గా నిలిచిన ‘కిష్కింద కాండం’

మలయాళ హీరో ఆసిఫ్ అలీ, అప‌ర్ణ బాల‌ముర‌ళి హీరోహీరోయిన్లుగా నటించిన చిత్రం కిష్కింద కాండం. ఓనమ్ పండుగ స్పెషల్ గా రిలీజ్ అయిన ఈ సినిమా సూపర్ హిట్ టాక్ తెచ్చుకుంది. ఆసీఫ్ అలీ కెరీర్ లో హ‌య్యెస్ట్ క‌లెక్ష‌న్స్ రాబ‌ట్టిన సినిమాల్లో ఒక‌టిగా నిలిచింది. కేవలం రూ. 7 కోట్ల బడ్జెట్ తో వచ్చిన కిష్కింద కాండం వరల్డ్ వైడ్ గా రూ. 90 కోట్ల కలెక్షన్స్ రాబట్టింది.

Also Read : Pushpa 2 : తమన్ బ్యాగ్రౌండ్ మ్యూజిక్ పట్ల సుకుమార్ సంతృప్తిగా లేడా..?

ఇటీవల థియేటర్స్ లో వందరోజుల రన్ కంప్లైట్ చేసుకున్న ఈ సినిమా తాజాగా హాట్ స్టార్ లో స్ట్రీమింగ్ కు వచ్చింది. సినిమా మొదలైన కాసేపటికి ఇదేదో ఫ్యామిలీ అనుకుంటారు కానీ ఆ తర్వాత మొదలవుతుంది అసలు సినిమా. ఒక హత్య జరిగిన తర్వాత దాన్ని ఛేదించిన విధానం ప్రేక్షకులను కట్టిపడేస్తుంది. క్లైమాక్స్ లో వచ్చే ట్విస్ట్ ఒకవైపు ఆశ్చర్యానికి గురిచేస్తూనే మరోవైపు భావోద్వేగాన్ని కలిగిస్తాయి. ‘జీవితం ముందుకు సాగాలంటే నిజంతో పాటు అబద్ధం కూడా అవసరం’ అంటూ చివరలో అపర్ణ చెప్పే డైలాగ్ సినిమాకే హైలెట్ గా నిలిచింది. ఒక్క ఫైట్, ఒక పాట లేకుండా గ్రిప్పింగ్స్ స్క్రీన్ ప్లేతో విశేషంగా ఆకట్టుకుంది. లీడ్ రోల్ లో నటించిన ఆసిఫ్‌ అలీ, అపర్ణా బాలమురళి, విజయ రాఘవన్‌ అలరించారు. నిన్న ఓటీటీలో విడుదలైన ఈ సినిమా హాట్ స్టార్ లో టాప్ 1 లో ట్రేండింగ్ అవుతోంది. మిలియన్స్ డిజిటల్ వ్యూస్ రాబడుతూ హాట్ స్టార్ లో స్ట్రీమింగ్ అవుతున్న కిష్కింద కాండంను ఈ వీకెండ్ లో తప్పక చూడాల్సిన సినిమాగా చెప్పుకోవచ్చు.