Nivin Pauly: నివిన్ పాలీ సెన్సేషన్.. మోహన్‌లాల్ తర్వాత మొత్తం ఇండస్ట్రీలోనే ఆ రికార్డ్ కొట్టిన ఏకైక హీరో!

Nivin Pauly: మలయాళ స్టార్ హీరో నివిన్ పాలీ బాక్సాఫీస్ వద్ద అరుదైన ఘనతను సొంతం చేసుకున్నారు. వైవిధ్యమైన కథలు, కంటెంట్ ఓరియెంటెడ్ సినిమాలతో దక్షిణాది ప్రేక్షకుల్లో ప్రత్యేక గుర్తింపు తెచ్చుకుంటున్న ఆయన.. తాజాగా రూ.250 కోట్ల క్లబ్‌లోకి అడుగుపెట్టి సరికొత్త రికార్డు తన పేరున నమోదు చేసుకున్నారు. మలయాళ చిత్ర పరిశ్రమలో సోలో హీరోగా నటించిన సినిమాతో రూ.250 కోట్ల గ్రాస్ మార్క్‌ను అందుకున్న రెండో హీరోగా నివిన్ పాలీ నిలిచారు. ఇంతకుముందు ఈ మైలురాయిని స్టార్ హీరో మోహన్‌లాల్ మాత్రమే అందుకున్నారు. దీంతో ఆయన సరసన నిలిచిన నివిన్ పాలీకి ఇది కెరీర్‌లోనే కీలకమైన విజయంగా మారింది.

నివిన్ నటించిన బెత్లెహెమ్ కుటుంబ యూనిట్ చిత్రం విడుదలైన మూడో వారంలోకి ప్రవేశించినప్పటికీ బాక్సాఫీస్ దగ్గర జోరు కొనసాగిస్తోంది. ఇప్పటికే భారీ వసూళ్లు సాధించిన ఈ సినిమా.. కొత్త చిత్రాలు థియేటర్లలోకి వచ్చినా తన కలెక్షన్లపై పెద్దగా ప్రభావం పడకుండా స్ట్రాంగ్‌గా దూసుకెళ్తున్నట్లు తెలుస్తోంది. ముఖ్యంగా మౌత్ టాక్, ప్రేక్షకుల ఆదరణ ఈ సినిమాకు విశేషంగా కలిసొచ్చినట్లు సినీ వర్గాలు చెబుతున్నాయి. రోజులు గడుస్తున్న కొద్దీ వసూళ్లు తగ్గకుండా స్థిరంగా కొనసాగుతుండటం విశేషంగా మారిందని ట్రేడ్ వర్గాలు అభిప్రాయపడుతున్నాయి. ఇక ఈ మూవీ సక్సెస్‌తో నివిన్ పాలీ మార్కెట్ మరోసారి బలంగా ఉందని ట్రేడ్ వర్గాల్లో ఆసక్తికరమైన చర్చ జరుగుతోంది. కంటెంట్‌కు ప్రాధాన్యత ఇస్తూ సినిమాలు చేస్తున్న ఆయన.. ఇప్పుడు భారీ బాక్సాఫీస్ వద్ద సరికొత్త మైలురాయిని అందుకోవడంతో అభిమానులు ఆనందం వ్యక్తం చేస్తున్నారు. మొత్తంగా మోహన్‌లాల్ తర్వాత రూ.250 కోట్ల క్లబ్‌లోకి చేరిన సోలో హీరోగా నివిన్ పాలీ నిలవడం.. మలయాళ సినిమా బాక్సాఫీస్‌లో మరో ప్రత్యేకమైన రికార్డుగా నిలిచింది.