Nayanthara : మహాశక్తి’తో కంబ్యాక్ ఇస్తుందా?

లేడీ ఓరియెంటెడ్ సినిమాలతో తన స్టామినాను నిరూపించుకునేందుకు నయనతార ప్రయత్నిస్తోందా? ‘టాక్సిక్’, ‘హాయ్’ సినిమాలతో వరుసగా ఆశించిన ఫలితాలు రాకపోవడం కాస్త నయన సక్సెస్ ట్రాక్ ని డల్ చేశాయి. ఇలాంటి సమయంలో అమ్మవారి పాత్రలో మరోసారి ‘మహాశక్తి’తో కంబ్యాక్ ఇస్తుందా? లేక వరస పరాజయాలతో హ్యాట్రిక్ ఫ్లాప్ ఆమెను వెంటాడుతుందా? నయనతారకు లేడీ ఓరియెంటెడ్ సినిమాలు కొత్తేమి కాదు. గతంలో ‘మూకుతి అమ్మన్’లో అమ్మవారి పాత్రలో మెప్పించిన ఆమె ఇప్పుడు అదే ఫ్రాంచైజీ సీక్వెల్ లో వస్తుంది. ఈసారి ‘మూకుతి అమ్మన్ 2’ ను ‘మహాశక్తి’ పేరుతో తెలుగు ప్రేక్షకుల ముందుకు తీసుకొస్తున్నారు మేకర్స్. సుందర్ సి దర్శకత్వంలో తెరకెక్కుతున్న ఈ సినిమా మొదటి భాగానికి భిన్నంగా డివైన్ ఫ్యాంటసీ, యాక్షన్, భారీ విఎఫ్ఎక్స్ తో ఉండబోతుంది.

‘టాక్సిక్’లో నయనతార గంగ పాత్రలో యష్ కి అక్కగా కనిపించింది. పాత్రకు మంచి ప్రాధాన్యత ఉందని ముందే హైప్ వచ్చిన సినిమా రిలీజ్ తర్వాత అంచనాలు పూర్తిగా నిలబడలేదు. ‘టాక్సిక్’ తర్వాత కవిన్ తో కలిసి ‘హాయ్’ సినిమాతో ప్రేక్షకుల ముందుకు వచ్చింది నయన. రొమాంటిక్, కామెడీ, ఫీల్ గుడ్ ఎంటర్టైనర్ గా వచ్చిన ఈ సినిమాలో నయనతార, కవిన్ కెమిస్ట్రీ కి మంచి మార్కులే పడ్డాయి. కానీ రొటీన్ కథ, దీంతో మరోసారి నయనతారకు ఆశించిన స్థాయిలో కమర్షియల్ బూస్ట్ రాకపోవడం, వెంటవెంటనే రెండు ఫ్లాప్స్ రావడం ఇప్పుడు ‘మహాశక్తి’పై అంచనాలతో పాటు ప్రెజర్ ను కూడా పెంచుతుంది. ‘మహాశక్తి’లో నయనతారను మరోసారి పవర్ఫుల్ దైవిక అవతారంలో చూపించే ప్రయత్నం స్పష్టంగా కనిపిస్తుంది. రెజీనా విలన్ గా కనిపించడం, దునియా విజయ్, యోగిబాబు, ఊర్వశీ లాంటి నటులు ఉండడం సినిమాపై ఆసక్తిని పెంచుతున్నాయి. అయితే టీజర్ విజువల్స్ హైప్ తెచ్చినా, కథ, విఎఫ్ఎక్స్ క్వాలిటీనే సినిమా ఫ్యూచర్ ను డిసైడ్ చేస్తాయి. ‘టాక్సిక్’, ‘హాయ్’ తర్వాత ‘మహాశక్తి’తో నయనతార సక్సెస్ ట్రాక్ లోకి తిరిగి వస్తుందా? లేక హ్యాట్రిక్ ఫ్లాప్ ఆమె ఖాతాలో చేరుతుందా అన్న చర్చ ఇప్పుడు ఆసక్తికరంగా మారింది.