Nani: మరో సీక్వెల్ లో న్యాచురల్ స్టార్ నాని..దర్శకుడు ఎవరంటే..?

నేచురల్‌ స్టార్‌ వరుస సినిమాలతో ఫుల్ జోష్ లో ఉన్నాడు. దసరా, హాయ్ నాన్న వంటి హిట్లు నానిని సక్సెస్ ట్రాక్ ఎక్కించాయి. నానితో దసరా వంటి సూపర్ హిట్ తెరకెక్కించిన శ్రీకాంత్ ఓదెల దర్శకత్వంలో ఆ చిత్రానికి సెక్వెల్ గా దసరా -2ను మొదలు పెట్టాడు ఈ హీరో. నాని కెరీర్ లో అత్యంత భారీ బడ్జెట్ తో రానుంది ఆ చిత్రం.

మరో వైవు వాల్ పోస్టర్ సినిమా బ్యానర్ పై ఇతర హీరోలతో సినిమాలు నిర్మించడమే కాకుండా పలువురు దర్శకులను ఇండస్ట్రీకి పరిచయం చేసాడు నేచురల్‌ స్టార్‌. తొలి ప్రయత్నంలోనే ‘ఆ’ అనే చిత్రంతో ప్రశాంత్ వర్మను ఇండస్ట్రీకి పరిచయం చేసాడు. రెండవ చిత్రంగా హిట్ అనే ఫ్రాంచైజ్ ను తెరకెక్కించాడు. హిట్ తో శైలేష్ కొలను అనే మరో నూతన దర్శకుడిని పరిచయం చేసాడు. ఆ ఫ్రాంచైజ్ లో మొదటి రెండు భాగాలు విడుదలై సూపర్ హిట్ సాధించాయి. ఇప్పుడు హిట్ -3ని పట్టాలెక్కించేందుకు సన్నాహకాలు ప్రారంభించారు దర్శకుడు మరియు నిర్మాత. మొదటి రెండు భాగాలలో విశ్వక్ సేన్, అడివి శేష్ హీరోలుగా నటించారు. ఇప్పుడు హిట్-3లో హీరోగా అర్జున్ సర్కార్ అనే పాత్రలో నాని నటించబోతున్న విషయం తెలిసిందే. కాగా ఈ చిత్ర షూటింగ్ ను ఆగస్టులో ప్రారంభించనున్నారు. వీలైనంత త్వరగా ఈ చిత్రన్ని కంప్లీట్ చేసి దసరా -2మీదకు వెళ్లేలా ప్లాన్ చేస్తున్నాడు నాని. హిట్-3 లో కథానాయికగా కె.జి.ఎఫ్ సిరీస్ లో మెరిసిన శ్రీనిధి శెట్టిని ఎంపిక చేసే ఆలోచనలో ఉన్నారు. ఇదే విధంగా తాను నిర్మాతగా హాస్య నటుడు ప్రియదర్శి హీరోగా ఓ చిత్రాన్ని నిరించనున్నట్టు ప్రకటించాడు నిర్మాత కమ్ హీరో నాని.

 

Also Read: Tollywood : మైథలాజీకల్ కథల పై టాలీవుడ్ దర్శకుల మోజు..!