టాలీవుడ్ నేచురల్ స్టార్ నాని వరుస ప్రాజెక్టులతో బిజీగా ఉన్నాడు. శ్రీకాంత్ ఓదెల, సుజీత్, సీబీ చక్రవర్తి ఇలా సాలిడ్ లైనప్ సెట్ చేసుకున్నాడు. ఈ లైనప్లో ఉన్న మోస్ట్ అవేటెడ్ క్రేజీ యాక్షన్ ఫిలిం ‘బ్లడీ రోమియో‘ ఇప్పుడు వాయిదా పడేలా కనిపిస్తోంది. దీనికి ప్రధాన కారణం నాని నటిస్తున్న మరో భారీ ప్రాజెక్ట్ ‘ది పారడైజ్‘ షూటింగ్లో జరుగుతున్న డిలే అని తెలుస్తోంది.
శ్రీకాంత్ ఒదెల దర్శకత్వంలో నాని నటిస్తున్న ‘ది పారడైజ్’ చిత్రంపై భారీ అంచనాలు ఉన్నాయి. ముందుగా ఈ సినిమాను 2026 సమ్మర్లోనే విడుదల చేయాలనుకున్నప్పటికీ క్వాలిటీ విషయంలో రాజీ పడకూడదని మేకర్స్ దీనిని 2026 ఆగస్టు 21కి వాయిదా వేశారు. ప్రస్తుతం నాని తన పూర్తి కాల్ షీట్స్ ఈ సినిమాకే కేటాయించాల్సి రావడంతో సుజీత్ దర్శకత్వంలో రావాల్సిన ‘బ్లడీ రోమియో’ షూటింగ్ స్టార్ట్ అవడానికి మరింత ఆలస్యమైంది. వినిపిస్తున్న సమాచారం ప్రకారం ఈ ఏడాది ఆఖరిలో లేదా 2027లోనే ‘బ్లడీ రోమియో’ పట్టాలెక్కే అవకాశం ఉంది. మరోవైపు ‘బ్లడీ రోమియో’ ఆలస్యం కావడంతో దర్శకుడు సుజీత్ ఈ సినిమాను పక్కన పెట్టేసి పవర్ స్టార్ పవన్ కళ్యాణ్ మోస్ట్ అవేటెడ్ మూవీ ‘OG 2‘ స్క్రిప్ట్ పనులపై దృష్టి సారించారు. ‘OG’ హిట్ కావడంతో సీక్వెల్ కథను మరింత పకడ్బందీగా పవర్ ఫుల్ యాక్షన్ ఎలిమెంట్స్తో తీర్చిదిద్దుతున్నట్లు సమాచారం. ప్రస్తుతం సుజీత్ ఈ స్క్రిప్ట్ను ఫైనలైజ్ చేసే పనిలో నిమగ్నమై ఉన్నాడని నాని డేట్స్ దొరికినపుడు బ్లడీ రోమియో చేసేలా ప్లాన్ చేసుకుంటున్నట్టు ఫిలిం నగర్ లో వినిపిస్తున్న టాక్.