Nani : డబ్బులిచ్చి నెగెటివిటీని స్ప్రెడ్ చేసే వాళ్లకే ఆ కోర్టు ఆర్డర్.. ఫేక్ రివ్యూలపై నాని షాకింగ్ కామెంట్స్!

సినిమాలపై కావాలని జరుగుతున్న ఫేక్ ప్రచారం వ్యవహారంలో కోర్టు ఇచ్చిన ఆర్డర్ ఇప్పుడు సంచలనంగా మారింది. దీనిపై నాని స్వయంగా స్పందిస్తూ సంచలన విషయాలు వెల్లడించారు. ఈ కోర్టు ఆర్డర్ నిజమైన ప్రేక్షకులకు, లేదా నిజమైన రివ్యూలు ఇచ్చే వాళ్లకు వ్యతిరేకం కాదని ఆయన స్పష్టం చేశారు.

కొత్త టెక్నాలజీ పేరుతో జరుగుతున్న మోసాన్ని నాని ఈ సందర్భంగా బయటపెట్టారు. ఏఐ (AI) ని ఉపయోగించి కంప్యూటర్ ద్వారా కావాలని ఫేక్ రివ్యూలు పోస్ట్ చేయిస్తున్నారని ఆయన అన్నారు. ఇది పూర్తిగా బాట్ యాక్టివిటీ (Bot Activity) అని ఆయన పేర్కొన్నారు. డబ్బులు ఇచ్చి మరీ ఏఐని, బాట్స్ ను అద్దెకు తీసుకుని ఇలాంటి నాన్సెన్స్ ను, నెగెటివిటీని సృష్టిస్తున్న వాళ్ల ఆట కట్టించేందుకే ఈ కోర్టు ఆర్డర్ అని నాని కుండబద్దలు కొట్టారు.

సినిమా చూసి నిజాయితీగా తమ అభిప్రాయం చెప్పే రియల్ ఆడియన్స్ కు ఈ ఆర్డర్ తో ఎలాంటి సంబంధం లేదని నాని క్లారిటీ ఇచ్చారు. నిజమైన రివ్యూలు, రియల్ రియాక్షన్స్, అలాగే నిజమైన విమర్శలను (Criticism) తాను ఎప్పుడూ కాదననని ఆయన తెలిపారు. కేవలం ఆర్టిఫిషియల్ ఇంటెలిజెన్స్ ను అడ్డం పెట్టుకుని, పనిగట్టుకుని నెగెటివిటీని కొనుగోలు చేసే వాళ్ల కోసమే ఈ కోర్టు ఆర్డర్ అని నాని తనదైన స్టైల్‌లో స్ట్రాంగ్ కౌంటర్ ఇచ్చారు.