యువ సామ్రాట్ నాగ చైతన్య యొక్క మోస్ట్ ఎవైటెడ్ పాన్ ఇండియా చిత్రం తండేల్, చందూ మొండేటి దర్శకత్వం వహించారు, ప్రతిష్టాత్మక గీతా ఆర్ట్స్ బ్యానర్‌పై బన్నీ వాస్ నిర్మించారు మరియు అల్లు అరవింద్ సమర్పణలో తెరకెక్కుతోంది. డి.మచ్చిలేశం గ్రామంలో జరిగిన నిజ జీవిత సంఘటనల ఆధారంగా తండేల్ రూపొందించబడింది. ఆంధ్ర ప్రదేశ్ లోని శ్రీకాకుళం జిల్లా నిజమైన సంఘటనలే అయినప్పటికీ, ఇద్దరు ప్రేమికుల మధ్య వారి జీవితాల్లో సంభవించిన పరిస్థితులు, భావోద్వేగాలు మరియు సందర్భాలు చాలా గ్రిప్పింగ్ మరియు ఆకర్షణీయంగా తెరపై మలుస్తున్నాడు దర్శకుడు చందు మొండేటి.
Also Read : Unstoppable With NBK : మూడో సీజన్ షూట్ మొదలెట్టిన బాలయ్య.. గెస్ట్ ఎవరంటే..?
ఇందులో భాగంగా, మేకర్స్ శ్రీకాకుళం గొప్ప వారసత్వం యొక్క ముఖ్యమైన అంశాన్ని ఈ సినిమాలో చుపించనున్నారు. శ్రీ ముఖలింగం యొక్క పురాతన శివాలయం. ఈ ఆలయం మహా శివరాత్రి రోజు గొప్ప పండుగను నిర్వహిస్తారు. అపారమైన భక్తి, సంప్రదాయం మరియు వైభవంతో జరుపుకుంటారు. దీని ప్రేరణతో, టీమ్ సినిమా కోసం అద్భుతమైన మరియు మునుపెన్నడూ చూడని శివరాత్రి పాటను ప్లాన్ చేస్తున్నారు మేకర్స్. శివరాత్రి ఉత్సవ వైభవాన్ని తెలియజెసేలా భారీ సెట్టింగ్‌లు మరియు అత్యంత వ్యయంతో ఈ పాటను చిత్రీకరించారు. దేవి శ్రీ ప్రసాద్ ఒక క్లాసిక్‌ పాటను కంపోజ్ చేసారు, శేఖర్ మాస్టర్ నృత్య దర్శకత్వం వహించారు, ఇందులో నాగ చైతన్య మరియు సాయి పల్లవి, వేలాది మంది డ్యాన్సర్‌లతో కలిసి నటించారు. ఈ అద్భుతమైన శివరాత్రి పాటను ప్రేక్షకుల ముందుకు తీసుకురావడానికి టీమ్ అంతా ఆసక్తిగా ఎదురుచూస్తున్నారు. సాంగ్ షూట్ నుండి రెండు పోస్టర్లను మేకర్స్ విడుదల చేసారు. నాగ చైతన్య మరియు సాయి పల్లవి ఇద్దరూ అద్భుతంగా ఉన్నారనే చెప్పాలి. తండేల్ చిత్రం పాన్ ఇండియాలో తెలుగు, తమిళం, కన్నడ, మలయాళం మరియు హిందీ భాషల్లో విడుదల కానుంది.