డిజిటల్ డెబ్యూట్ కు సిద్ధమవుతున్న అక్కినేని హీరో
అక్కినేని యంగ్ హీరో నాగ చైతన్య చేతినిండా సినిమాలు ఉన్న టాప్ హీరోల లిస్ట్ లో చేరిపోయాడు. అతను తన ప్రస్తుత ప్రాజెక్టులను పూర్తి చేయడంలో ఫుల్ బిజీగా ఉన్నాడు. ఇప్పటికే ఆయన సాయి పల్లవితో జంటగా నటించిన “లవ్ స్టోరీ” విడుదలకు సిద్ధంగా ఉంది. ఈ ఏడాది విడుదల కానున్న డైరెక్టర్ విక్రమ్ కుమార్ “థాంక్స్” మూవీ షూటింగ్ ను ఇప్పటికే పూర్తి చేశారు. మరోవైపు అమీర్ ఖాన్ “లాల్ సింగ్ చద్దా” చిత్రీకరణలో ఉన్నాడు. ఈ క్రమంలో చైతన్య కొంతకాలంగా డిజిటల్ అరంగేట్రం చేయడానికి ఆసక్తి చూపుతున్నాడు. అతను అమెజాన్ ప్రైమ్ తో తన మొట్టమొదటి వెబ్ సిరీస్పై సంతకం చేశాడు. ఈ ప్రాజెక్ట్ కు విక్రమ్ కుమార్ దర్శకత్వం వహించనున్నారు. షూటింగ్ త్వరలో ప్రారంభమవుతుంది.
Read Also : వైవిధ్యం… సూర్య ఆయుధం!
ఈ ప్రాజెక్ట్ యాక్షన్ థ్రిల్లర్ అని తెలుస్తోంది. టాలీవుడ్ నిర్మాత శరత్ మరార్ తో చాలా కాలంగా చైతన్య చర్చలు జరుపుతున్నాడు. తాజాగా డైరెక్ట్ డిజిటల్ రిలీజ్ చేయబోయే వెబ్ ఆధారిత చిత్రానికి ఆయన అనుమతి ఇచ్చారు. నాగ చైతన్య ఓకే చెప్పిన తరువాత ఈ చిత్రానికి స్క్రిప్ట్ లాక్ చేశారు. ప్రస్తుతం దర్శకుడు అయితే ఖరారు అయ్యాడు. నిర్మాత శరత్ మరార్ త్వరలో దీని గురించి అధికారిక ప్రకటన చేయనున్నారు. సెప్టెంబరులో విడుదల కానున్న నాగార్జున “బంగార్రాజు”లో చైతన్య కనిపించబోతున్నాడు. ఇటీవల చైతన్య భార్య సమంత “ది ఫ్యామిలీ మ్యాన్: సీజన్ 2″తో ఓటిటి అరంగేట్రం చేసింది. అందులో ఆమె నటనకు మంచి స్పందన వచ్చింది.