నందమూరి నటసింహం నందమూరి బాలకృష్ణ అభిమానులకు అదిరిపోయే అప్‌డేట్ వచ్చేసింది. గోపీచంద్ మలినేని దర్శకత్వంలో బాలయ్య నటిస్తున్న భారీ యాక్షన్ ఎంటర్టైనర్ దాదా. ఇటీవల షూటింగ్ లో గాయం కారణంగా చిన్న విరామం తీసుకున్న బాలయ్య, మళ్లీ తన మార్క్ హై ఎనర్జీతో తిరిగి షూటింగ్ సెట్స్‌లో అడుగుపెట్టారు. ప్రస్తుతం అత్యంత భారీ అంచనాలతో తెరకెక్కుతున్న DADA కొత్త షెడ్యూల్ షూటింగ్ మళ్లీ ఘనంగా ప్రారంభమైంది.
ఈ విషయాన్ని చిత్ర యూనిట్ అధికారికంగా ప్రకటిస్తూ ‘మళ్లీ సెట్స్‌లోకి… అదే ఎనర్జీ, అదే మాస్ మేనియాతో’ నటసింహం షూటింగ్ సెట్స్ లో అడుగుపెట్టిందని పేర్కొంది. ఈ మాస్ యాక్షన్ ఎంటర్‌టైనర్‌ను ఈ ఏడాది క్రిస్మస్ పండుగ కానుకగా డిసెంబర్ 24న ప్రపంచవ్యాప్తంగా థియేటర్లలో విడుదల కాబోతుంది. అయితే ఈ క్రిస్ట్ మాస్ చూస్తారని నటసింహం మాస్ తో ఫ్యాన్స్ కు సాలిడ్ సినిమా ఇవ్వబోతున్నట్టు ప్రోమో రిలీజ్ చేసారు మేకర్స్. బాలకృష్ణ గెటప్, ఆయన మార్క్ డైలాగ్ డెలివరీ, ఊరమాస్ యాక్షన్ సన్నివేశాలు ఈ సినిమాలో మైండ్ బ్లాకింగ్ రేంజ్‌లో ఉండబోతున్నాయని టాక్. డిసెంబర్ 24న రాబోతున్న ఈ ‘దాదా’ మాస్ హంగామాతో బాక్సాఫీస్ దగ్గర క్రిస్మస్ వేడుకలు సరికొత్త రికార్డులను సృష్టించడం ఖాయమని అభిమానులు ధీమా వ్యక్తం చేస్తున్నారు. వృద్ధి సినిమాస్ బ్యానర్ పై సతీష్ కిలారు ఈ సినిమాను భారీ బడ్జెట్ తో నిర్మిస్తుండగా తమన్ సంగీతం అందిస్తున్నారు.
