Jr. NTR : దేవర 2 షూటింగ్ కు ముహూర్తం ఫిక్స్

జూనియర్ ఎన్టీయార్ హీరోగా కొరటాల శివదర్శకత్వంలో వచ్చిన దేవర. జాన్వీ కపూర్, సైఫ్ అలీఖాన్, మలయాళ నటుడు టామ్ చాకో కీలక పాత్రల్లో నటించారు. గతేడాది రిలీజ్ అయినా ఈ సినిమా ఎంతటి సంచలనాలు నమోదు చేసిందో చెప్పక్కర్లేదు. ఎన్టీయార్ ఆర్ట్స్, యువసుధ ఆర్ట్స్ అత్యంత భారీ బడ్జెట్ తో నిర్మించిన ఈ సినిమా  . ఫైనల్ రన్ లో ఏకంగా రూ. 500 కోట్లకు పైగా వసూలు చేసి సంచలనం సృష్టించింది. ఈ సినిమా ఎండ్ కార్డ్స్ లో దేవర 2 కు లీడ్ ఇస్తూ ముంగిచాడు దర్శకుడు కోరటాల శివ.

Also Read : Tollywood : పోటా పోటీగా అందాల ఆరబోత.. సినిమాకు ప్లస్ అవుతుందా

అయితే దేవర 2 ఉండబోదని ఎన్టీఆర్ అందుకె వేరే సినిమాలను లైన్ లో పెట్టాడని ఆ మధ్య వార్తలు వినిపించాయి. కానీ దేవర 2 అనే చిత్రం తప్పకుండా చేస్తానని ఆ మధ్య జరిగిన మ్యాడ్ స్క్వేర్ ఈవెంట్ లో చెప్పారు ఎన్టీఆర్. దాంతో దేవర 2 పై రూమర్స్ కు చెక్ పెట్టేసాడు టైగర్. ఇప్పటికే వార్ 2 షూటింగ్ ను పూర్తి చేసిన యంగ్ టైగర్ ప్రస్తుతం ప్రశాంత్ నీల్ సినిమా షూటింగ్ లో పాల్గొంటున్నాడు. నవంబర్ లేదా డిసెంబర్ కల్లా డ్రాగన్ షూట్ కంప్లీట్ చేయబోతున్నారు యంగ్ టైగర్. ఈ నేపధ్యంలోనే దేవర 2 కు ప్లాన్ రెడీ చేస్తున్నాడు తారక్. అన్ని అనుకున్నట్టు జరిగితే వచ్చే ఏడాది జనవరి లేదా ఫిబ్రవరి నుండి దేవర 2 షూట్ మొదలు పెట్టేలా ప్లానింగ్ జరుగుతుంది. కొరటాల శివ స్క్రిప్ట్ వర్క్, ప్రీ ప్రొడక్షన్ వర్క్ లో బిజీ గా ఉన్నారు. ముందు అనుకున్న స్క్రిప్ట్ లో మార్పులు చేర్పులు చేసి ఫైనల్ వర్షన్ రెడీ చేసే పనిలో ఉన్నాడు కొర్రీ.